ಆಯ್ಚಿ ಖಬರ್

ಆಜ್, ಕಾಸ್ಸಿಯಾಚಿ ಪಾತ್ರೊನ್ ಸಾಂ. ರಿತಾಚ್ಯಾ ಫೆಸ್ತಾ ದಿಸಾ,  ಕಾಸ್ಸಿಯಾ ಇಸ್ಕೊಲಾಚ್ಯಾ ಮಯ್ದಾನಾರ್ ಸಾಂಜೆಚ್ಯಾ ಸ ವೊರಾರ್ ಕೊಂಕ್ಣಿ ಪತ್ತೇದಾರಿ ನಾಟಕ್ - ದುಬಾವಾಚೊ ಧುಂವೊರ್ ಸಾದರ್ ಕರುಂಕ್ ಸರ್ವ್ ತಯಾರಿ ಜಾಲ್ಯಾ ಮ್ಹಣ್ಟಾ ನಾಟಕಾಚೊ ನಿರ್ಮಾಪಕ್ ಫ್ಲೊಯಿಡ್ ಡಿಮೆಲ್ಲೊ ಕಾಸ್ಸಿಯಾ.  ಎಕಾ ಸ್ತ್ರೀಯೆಚ್ಯಾ ಅಸಭಾವಿಕ್ ಮರ್ಣಾ ಭಂವ್ತಿ ವಿಣುನ್ ಹಾಡ್ಲೆಲ್ಯಾ ಹ್ಯಾ ಪತ್ತೇದಾರಿ ನಾಟಕಾಂತ್ ಸರ್ವ್ ಪಾತ್ರ್‌ದಾರಿ ಪುರುಷ್ ಆಸೊನ್ , ಮಾರ್ಟಿನ್ ಸೊಜ್, ವಾಮಂಜೂರ್, ಫ್ಲೊಯಿಡ್ ಡಿಮೆಲ್ಲೊ, ಕಾಸ್ಸಿಯಾ, ಲೆಸ್ಲಿ ಫೆರಾವೊ, ಪೆರ್ಮಾನ್ನೂರ್, ಆಲ್ವಿನ್ ಮಿರಾಂದಾ, ಜೆಪ್ಪು ಆನಿ ಫೆಲಿಕ್ಸ್ ಮೊಂತೆರೊ, ರಾಣಿಪುರ - ಹೆ ಪ್ರಮುಕ್ ಪಾತ್ರ್ ಖೆಳ್ಟಾತ್.  ಹ್ಯಾ ನಾಟಕಾಕ್ ಉಜ್ವಾಡ್ ಆನಿ ಆವಾಜ್ ಕಿಂಗ್‌ಸ್ಲಿ ನಜ್ರೆತ್ ಹಾಚೊ ತರ್ ದೃಶ್ಯ್ ಸಂಗೀತ್ ಆನಿ ನಿರ್ದೇಶನ್ ಜೋನ್ ಎಮ್ ಪೆರ್ಮಾನ್ನೂರ್ ಹಾಚೆಂ ಆಸಾ.

ಕೊಂಕ್ಣೆಚಿ ಗಜಾಲ್ ಯೆತಾನಾಂಯ್, ಕಿರಿಸ್ತಾಂವಾಂಕ್ ಭಾಶೆಚೆರ್ ಅಭಿಮಾನ್ ನಾ, ಮಾತ್ಯೆಚಿ ಮೂರ್ ನಾ , ಸ್ವಾಭಿಮಾನ್ ನಾ - ಮ್ಹಣ್ ಗಲ್ಫಾಂತ್ಲ್ಯಾ  ಕೊಂಕ್ಣಿ ಲೊಕಾಕ್, ಕೊಂಕ್ಣೆಚೆ ಫುಡಾರಿಚ್ ಮಾಧ್ಯಮಾಂನಿ ಉಗ್ತ್ಯಾನ್ ಹಿಣ್ಸುಂಚೆಂ ಆತಾಂಯೀ ದಿಸ್ತಾ. ಅಶೆಂ ಹಿಣ್ಶಿಲ್ಲೆಚ್ ಮಾಗಿರ್ ಕಟ್ಟಿ , ಗೊಬ್ಳೊ, ಬಾಲ್ದಿ ಘೆವ್ನ್ ಕೊಂಕ್ಣೆಚ್ಯಾ ಕಾಮಾಂಕ್ ಮಾಗೊಂಕ್ ಗಲ್ಪಾಕ್ ಯೆತಾತ್. ಆಜ್  ಕೊಂಕ್ಣೆಚಿಂ ಇತ್ಲಿಂ ಸಂಘಟನಾಂ, ಪತ್ರಾಂ, ಸಾಯ್ಟಿ - ಹಿಂ ಸಕ್ಕಡ್ ಕೊಣಾಚ್ಯಾ ದಾನಾನ್ ಚಲ್ತಾತ್ ? ಸರ್ಕಾರಾಚ್ಯಾ ದುಡ್ವಾನ್ ಖಂಡಿತ್ ನ್ಹಯ್. ಲ್ಹಾನ್ ವ ವ್ಹಡ್ ಕೊಂಕ್ಣೆಚ್ಯಾ ಹರ್ ಕಾರ್ಯಕ್ರಮಾಂನಿ ಬೊಶಿಯೊ ಭಂವ್ತಾತ್.  ತರ್ ಪರ್ಬುಂಗೆಲ್ಯಾಂಕ್ , ಸ್ವಾಭಿಮಾನ್ ನಾತ್ಲೆಲೆ, ಮಾತ್ಯೆಚೊ ಮೋಗ್ ನಾತ್ಲೆಲೆ - ಮ್ಹಣ್ ಹಿಣ್ಸುಂಚೆಂ ಸಾರ್ಕೆಂಗೀ ?

ಆಪ್ಲ್ಯಾ ಪಯ್ಶ್ಯಾಂಕ್ ಫಾವೊತೆಂ ವಾಚಾಪ್ ಮೆಳಾನಾ ಜಾಲ್ಯಾರ್ ಲೋಕಾನ್ ಕಿತ್ಯಾಕ್ ಪತ್ರಾಂ ಘೆಜೆ? ಶೆಣ್ ದಿವುನ್, ಧರ್ ಸಾಯ್ಬಾ ಹೆಚ್ಚ್ ಪಿಝ್ಝಾ, ಮಿಟಿಯೊ ಮಾರುನ್ ಖಾ ಮ್ಹಣೊನ್ ದಿಲ್ಯಾರ್ ಖಾಂವ್ಕ್ ಆಮ್ಕಾಂ ಅಕ್ಕಲ್ ನಾಂಗೀ? ಕೊಂಕ್ಣೆಂತ್ ಜಾಲ್ಲ್ಯಾನ್ ಜಾತಾ. ಆಮ್ಚೊ ಲೋಕ್ ಬೊಕ್ರ್ಯಾಂ ಬರಿ ವೊಗೊ ರಾವ್ತಾ. ಜರೀ ತರೀ ಲೊಕಾನ್ ವರ್ಗಣಿ ಬಾಂದ್ಲೆಲಿ ರಶೀದ್ ಘೆವ್ನ್ ಗ್ರಾಹಕಾಂಚ್ಯಾ ಕೊಡ್ತಿಂತ್ ಫಿರ್ಯಾದ್ ಮಾಂಡ್ಲ್ಯಾರ್ ಘೆತ್ಲೆಲೆ ಪಯ್ಶೆ ವಾಡಿ ಸಮೇತ್ ಯಾ ಥೊಡ್ಯಾ ಪ್ರಕರಣಾಂನಿ ದಂಡ್ ಸಯ್ತ್ ಬಾಂದುನ್ ದೀಜೆ ಪಡಾತ್! ಜಾಗ್ರುತ್ ! 

ಥೊಡೆಪಾವ್ಟಿ೦ ಅಶೆ೦ಯೀ ಚಿ೦ತುನ್ ಸೊಡ್ತಾ೦ "ಹ್ಯಾ ಸರ್ವ್ ಸ೦ಗ್ತಿಚೆ೦ ಮ್ಹಾಕಾ ಕಿತ್ಯಾಕ್ ಪಡೊನ್ ಗೆಲಾ೦, ಹಾ೦ವೆ ಕಿತ್ಯಾ ತ್ಯಾ ವಿಶಿ೦ ಮತ್ ಆಟಾಯ್ಜಾಯ್ ? ಮ್ಹಜೆ೦ ಜೀವನ್ ಬರೆ೦ಚ್ ಚಲ್ತೆ ಆಸಾ ದೆಕುನ್ ಹ್ಯಾ ಸರ್ವ್ ಸ೦ಗ್ತಿಥಾವ್ನ್ ಮ್ಹಾಕಾ ಕಿತೆ೦ಚ್ ಫರಕ್ ಪಡಾನಾ.."  ಪುಣ್ ಫರಕ್ ಪಡ್ತಾ. ಹಾ೦ವೀ ಹ್ಯಾ ಸಮಾಜೆಚೊ ಏಕ್ ವಾ೦ಟೊ.! ಹ್ಯೊ ಸರ್ವ್ ಸ೦ಗ್ತಿ ಘಡ್ತಾನಾ ತಾಕಾ ಸ೦ಬ೦ಧ್ ಜಾಲ್ಲಿ೦ ಸುತಾ೦, ಮ್ಹಜ್ಯಾ, ತುಜ್ಯಾ, ಹರ್ಯೆಕ್ಲ್ಯಾಚಾ ಜಿಣ್ಯೆಲಾಗ್ಶಿಲ್ಯಾನು೦ಚ್ ಉತ್ರೊನ್ ವೆತಾತ್.

ಘಾಟಾಚಾ ಥೊಡ್ಯಾ ಜಾಗ್ಯಾನಿಂ ತಿಪಟೂರ್, ಹೊಳೆನರಸಿಪುರ, ಮದ್ದೂರು ಇತ್ಯಾದಿ ಪ್ರದೇಶಾನಿ ಬೊಂಡ್ಯಾಚೆಂ ಮೇಳಾ ವರ್ಸಾನ್ ವರ್ಸ್ ಚಲ್ತಾ. " ಉಣ್ಯಾ ಮೊಲಾಕ್ ಪೋಟ್ ಭರ್ನ್ ಬೊಂಡ್ಯಾ ಉದಾಕ್ ಪಿಯೆಯಾ "  ಮಳ್ಳೆಂ ಹಾಂಚೆ ಸ್ಲೋಗನ್. ಹೊ ಮೇಳಾ ಚಲಯ್ತೆಲ್ಯಾನಿ ಸಾಂಗ್ಚ್ಯಾ ಫರ‍್ಮಾಣೆಂ ಬೊಂಡ್ಯಾ ಉದಕ್ ಸಂಸ್ರಾಂತ್ಲೆಂ ಸರ್ವ್ ಶ್ರೇಷ್ಠ್ ಪ್ರಾಕೃತಿಕ್ ಪೀವನ್. ಭಲಾಯ್ಕೆಕ್, ಆವ್ಕ್ ಚಡ್ಚಾಕ್ ಪೂರಕ್ ಜಾಲ್ಲೆಂ ಬೊಂಡ್ಯಾ ಉದಾಕ್ ಹ್ಯಾ ಮೇಳಾಂತ್ ಖಡೆಸಾಕರ್, ಮೊಂವ್, ಲಿಂಬ್ಯಾ ಸವೆಂ ಪಿಯೊವ್ಯೆತ್.

ಎಕ್ಲ್ಯಾಕ್ ಪೊಸುಂಕ್ ಖರ್ಶೆಂವ್ಚ್ಯಾ ಹ್ಯಾ ಕಾಳಾರ್ ತಿಸ್ರೆಂ ಯಾ ತಿಸ್ರೊ ಆಯ್ಲೊ ತರ್, ಜಿಣಿಯೆ ರಿತಿಂತ್  ಜಾಯ್ತಿ ಬದ್ಲಾವಣ್ ಹಾಡಿಜೆ ಪಡ್ತಾ. ದೊನ್ ಕುಡಾಚೆಂ ಘರ್ ತೀನಾಂಕ್ ವಾಡಯ್ಜೆ. ಎದೊಳ್ ಸ್ಕುಟಾರಾರ್ ಚಿಡ್ಡೊನ್ ವೆತೆಲ್ಯಾಂವ್,  ಕಾರಾಚಿ ಗರ್ಜ್ ಉದೆತಾ. ಡಬ್ಬಲ್ ಕೊಟ್ ಪಾವಾನಾ. ಅಲ್ಮಾರ್ ಹೆರ್ ವಸ್ತುಂಕ್ ಚಡ್ತಿಕ್ ಭಡ್ತಿ ಕರಿಜೆ ಪಡ್ಟಾ. ಏಕ್ ಫಾಯ್ದೊ ಮ್ಹಳ್ಯಾರ್ -  ಜಣಾಂ ಲೇಕಾರ್ ರಾಂದ್ಪಾಚೊ ಗೆಸಾಚೊ ಹಾಂಡೊ ದಿತಾನಾ ಚಡ್ತಿಕ್ ಎಕ್ ಮೆಳ್ಚೊ ಸಂಬಂವ್ ಆಸಾ.

ಆಮಿ ಆಮ್ಚ್ಯಾ ಜಿಣಿಯೆಕ್ ಘಾಲ್ಲ್ಯಾ ಹ್ಯಾ ಗಡಿ೦ವರ್ವಿ೦ಚ್ ಆಮ್ಚಿ ಜಿಣಿ ಅರ್ಥಾರಹಿತ್ ಜಾಲ್ಯಾ. ತರ್ ಕಿತೆ೦ ಆಮಿ ಫಕತ್ ಫಿಲೊಸೊಫಿ ಆನಿ ಆಯ್ನ್ ರ‍್ಯಾ೦ಡ್ ಮ್ಹಣ್ ಮಣಿಯೊ ಗಳವ್ನ್ ಬಸಾಜೆ? ತಶೆ೦ ಕರಾ ಮ್ಹಣ್ ಹಾ೦ವ್ ಬಿಲ್ಕುಲ್ ಮ್ಹಣಾನಾ ಪುಣ್ ಇತ್ಲೆ೦ಚ್ ಸಾ೦ಗ್ತಾ೦ - ತುಮ್ಚ್ಯಾ ‘ಬೊಟಾ೦ನಿ’ ಸೊದ್ನಾ೦ ಕರುನ್ ತುಮ್ಚ್ಯಾ ಮೆ೦ದ್ವಾಕ್ ಜಾಯ್ ಜಾಲ್ಲಿ ‘ಶ್ಹೆಳ್’ ತಲಾಸ್ ಕರುನ್ ದಿಲ್ಲ್ಯಾನ್ ಮಾತ್ರ್ ಆಜ್ ತುಮಿ ಜಿವ೦ತ್ ಆಸಾತ್ ಪುಣ್ ಮಾನಸಿಕ್ ರಿತಿರ್ ತುಮಿ ಕಿತ್ಲೆ ಜಿವ೦ತ್ ಆಸಾತ್ ಮ್ಹಳ್ಳೆಂ ಸೊಧುನ್ ಕಾಡ್ಚೆ೦ ಕಾಮ್ ಮಾತ್ರ್ ತುಮ್ಚೆ೦.

ಆಮಿ ಹೆರಾಂಚಿ ಜಿಣಿ ವಾಚ್ತಾನಾ ಎಕಾ ರಿತಿಂ ಆಮ್ಚಿಚ್ ಜಿಣಿ ವಾಚ್ತಾಂವ್. ತಾಂಚ್ಯಾ ಜಿಣಿಯೆಂತ್ ಆಮ್ಚಿ ಜಿಣಿ, ತಾಂಚ್ಯಾ ಭಗ್ಣಾಂನಿ ಆಮ್ಚಿಂ ಭಗ್ಣಾಂ ಆನಿ ತಾಂಚ್ಯಾ ಕರ‍್ತುಬಾಂನಿ ಆಮ್ಚಿಂ ಕರ‍್ತುಬಾಂ ಪಳೆವ್ನ್ ತೃಪ್ತಿ ಯಾ ಸಮಾದಾನ್ ಭಗ್ಚೆಂ ಪ್ರೇತನ್ ಕರ‍್ತಾಂವ್. ದೆಕುನ್ಂಚ್ ಜಾಯ್ಜಯ್, ಥೊಡ್ಯಾಂಕ್ ಪಬ್ಲಿಕಾರ್ ‘ವಿಣ್ಗೊ/ವಿಣ್ಗೆಂ’ ಜಾಂವ್ಚೆಂ ಚಡಿತ್ ಸಲೀಸ್ ತರ್ ಹೆರಾಂಕ್ ಆಪ್ಣಾಚೆಂ ವಿಣ್ಗೆಪಣ್ ದುಸ್ರ್ಯಾಂಚ್ಯಾ ವಿಣ್ಗೆಪಣಾಂತ್ ಪಳೆಂವ್ಚೆಂ ಗರ‍್ಜೆಚೆಂ.

ಹರ್ಯೆಕ್ಲೊ ಮನಿಸ್ ಆಪ್ಲೆಸ್ತಕಿಂ (ಕಳೊನ್ ಯಾ ಕಳಾನಾಸ್ತಾನಾ) ತತ್ವಶಾಸ್ತ್ರಿ. ಹರ್ಯೆಕ್ಲೊಯೀ ಜಿಣ್ಯೆಚ್ಯಾ ಏಕ್ ನ್ಹಂಯ್ ಏಕಾ ಹಂತಾರ್ ಏಕ್ ಪಾವ್ಟಿಂ ಪುಣೀ ಅಪ್ಲ್ಯಾ ಜಿಣ್ಯೆ-ಮುಳಾವ್ಯಾ ಸವಾಲಾಂಕ್ ವಿಚಾರ್ತಾ. ಹಾಂವ್ ಹಾಂಗಾ ಕಿತ್ಯಾಕ್ ಆಸಾಂ? ದೇವ್ ಆಸಾಗೀ? ಆಸ್ಲ್ಯಾರ್ ಸಂಸಾರ್ ಅಸೊ ಅಸ್ತೊ? ಜಿಣಿಯೆಚೊ ಅರ್ಥ್ ಕಿತೆಂ? ಅಸಲ್ಯಾ ಸಾಮಾನ್ಯ್ ಸವಾಲಾಂಕ್ ಆಮಿ ಭೆಟ್ತಾನಾ ಸೂಟ್-ಬುಟಾ ಭಿತರ್ಲಿ ಆಮ್ಚಿ ಕೂಡ್ ಏಕಾ ಖಿಣಾಕ್ ತರೀ ಥಂಡ್ ಘಾಮೆನಾಸ್ತಾನಾ ರಾವಾನಾ.

ಕೊಂಕ್ಣಿ ಬರಯ್ಣಾರಾಂಚೊಂ ಏಕ್‌ ಮಾತ್ ಮಾಲ್ಘಡೊ ನೋಂದಾಯಿತ್ ಸಂಸ್ಥೊ , ಕೊಂಕ್ಣಿ ಲೇಕಕಾಂಚೊ ಎಕ್ವಟ್ , ಕರ್ನಾಟಕ್ , ರಿಜಿಸ್ಟರ್ಡ್ - ಸನ್ವಾರಾ ಎಪ್ರಿಲಾಚೆ  28  ತಾರಿಕೆರ್, ಎಕ್ವಟಾಚ್ಯಾ ಪಂದ್ರಾಂ ವರ್ಸಾಂಚ್ಯಾ ಚರಿತ್ರೆಂತ್ ಪಯ್ಲೆ ಪಾವ್ಟಿಂ - ಆಪ್ಲ್ಯಾಚ್ ಮ್ಹಳ್ಳ್ಯಾ ಎಕಾ ಧಪ್ತರಾಕ್ ವೆತಾ. ಸನ್ವಾರಾ ಸಾಂಜೆಚ್ಯಾ ಪಾಂಚ್ ವೊರಾರ್ ರುಜಾಯ್ ಫಿರ್ಗಜೆಚೊ ವಿಗಾರ್ ಮಾ|ಬಾ| ಸ್ಟೇನಿ ಗೋವಿಯಸ್ ಧಪ್ತರಾಚೆಂ ಆಶೀರ್ವಚನ್ ಕರ್ತೊಲೊ. ಕೊಂಕ್ಣಿ ಪ್ರಚಾರ್ ಸಂಚಾಲನಾಚೊ ಅಧ್ಯಕ್ಷ್ ಮಾನೆಸ್ತ್ ರೊಯ್ ಕಾಸ್ತೆಲಿನೊ ಧಪ್ತರ್ ಉಗ್ತಾಯ್ತೊಲೊ.