ಕಾಣಿ
ಕವಿತಾ
ಸಕಾಳಿಕ್
ಸಂದರ್ಶನ್
- ನಾಯ್ಟಾಂತ್ ಗಾವ್ಪ್ಯಾಂಚೆಂ ಪ್ರಸಂಟೇಶನ್ ಮಹತ್ವಾಚೆಂ ಸ್ಟ್ಯಾನಿ ಮೆಂಡೋನ್ಸಾ
- ಭುರ್ಗ್ಯಾಂಚೆಂ ಸಾಹಿತ್ಯ್ ರಚ್ಚ್ಯಾಂತ್ ತೃಪ್ತಿ ಆಸಾ - ಜೆ.ಎಫ್.ಡಿಸೋಜಾ
- ರಾಜಕೀಯ್ ಮನ್ಶ್ಯಾಂಕ್ ಲೊಕಾಚೊ ಹುಸ್ಕೊ ನಾ - ಶಿವಸುಂದರ್
- ಹಾಂವ್ ಏಕ್ ಕಾಣಿಯಾಂಗಾರ್ - ವಲ್ಲಿ ವಗ್ಗ
- ಪುರೋಹಿತ್ಶಾಹಿ - ಆಮ್ಕಾಂ ಬಾಂದುನ್ ಘಾಲ್ಚಿ ಸಾಂಕಳ್ - ಡೊ | ನಾ. ಡಿ ಸೊಜಾ
- ಹಾಂವ್ ತೃತೀಯ ಶಕ್ತಿ - ಚಿನ್ನಾ ಕಾಸರಗೋಡು
ವಿಶೇಸ್
ಎಚ್ಚೆಮ್ ವಿಚಾರ್
ಅಂಕಣಾಂ
ಆಯ್ಚಾ ಆಧುನಿಕ್ ಕಾಳಾರ್ ಟೆಲಿವಿಜನ್ ಆನಿ ಇಂಟರ್ನೆಟ್ ಲೊಕಾಚಾ ಜಿಣ್ಯೆಂತ್ ಪ್ರಮುಕ್ ವಾಂಟೊ ಘೆತಾತ್. ಇಂಟರ್ನೆಟ್ ಜಾಣ್ವಾಯೆಚೆಂ ಭಂಡಾರ್ ತರ್ ಟೆಲಿವಿಜನ್ ಸೀರಿಯಲಾಂನಿ ಕಾನೂನಾ ಫರ್ಮಾಣೆ ಖಂಚೆಂ ಕಾಮ್ ಸಾರ್ಕೆಂ ಆನಿ ಖಂಚೆಂ ಚೂಕ್ ಮ್ಹಳ್ಳೆಂ ವಿಷ್ಲೇಶಣ್ ಕರ್ಚೆಂ ಆಮ್ಚ್ಯಾ ಸಮ್ಜಣೆಕ್ ಸೊಡ್ಲ್ಲೆಂ. ಕಿತ್ಯಾಕ್ ಮ್ಹಳ್ಯಾರ್ ಕೊಡ್ತಿಂತ್ಲ್ಯಾ ಕೇಜಿಂತ್ ಆರೋಪಿಕ್ ಸರ್ವ್ ಸಾಕ್ಷಿಂಚೆಂ ವಿಚಾರಣ್ ಮುಗ್ದಾಲ್ಯಾ ಉಪ್ರಾಂತ್ ಕಿತೆಂಯಿ ಸಾಂಗೊಂಕ್ ಆಸ್ಲ್ಯಾರ್ ಮೆಜಿಸ್ಟ್ರೇಟ್ ವ ಜಡ್ಜ್ ಅಂತಿಮ್ ಅವ್ಕಾಸ್ ದಿತಾ. ಪೂಣ್ ಟೆಲಿವಿಜನ್ ಸೀರಿಯಲಾಂನಿ ಆರೋಪಿನ್ ಕೊಡ್ತಿಂತ್ ರಾವ್ಲ್ಲ್ಯಾ ಜಾಗ್ಯಾ ಥಾವ್ನ್ ಬೊಬೊ ಘಾಲ್ಚ್ಯೊ, ದುಸ್ರ್ಯಾಂಕ್ ಮಾರುಂಕ್ ಉಡ್ಚೆಂ ಇತ್ಯಾದಿ ದಾಖಯ್ತಾತ್. ಹ್ಯಾ ರಿತಿಂ ನೀಜ್ ಕೊಡ್ತಿಚಾ ವಿಚಾರಣ್ ಸಂಧರ್ಬಿಂ ಘಡಾನಾ ವ ಜಾಂವ್ಕ್ ಅವ್ಕಾಸ್ಚ್ ಆಸಾನಾ.
ನಾರೊಲಾಕ್ ಸ್ಥಾಪಕ್ ಮಿಶೊನರಿ ಜಾವ್ನ್ ೧೯೦೫ ಇಸ್ವೆಂತ್ ಯೇವ್ನ್ ೨೩ ವರ್ಸಾಂಚಿ ಖಳಾನಾತ್ಲ್ಲಿ ನಿಸ್ವಾರ್ಥಿ ಸೆವಾ ದೀವ್ನ್, ಪ್ರತ್ಯೇಕ್ ಜಾವ್ನ್ ಥಂಯ್ಚಾ ನಿಮ್ನ್ ಜಾತಿಚಾ ಲೊಕಾಚೆರ್ ಕ್ರಿಸ್ತಾಚಾ ಸುವಾರ್ತೆಚೊ ಪ್ರಕಾಸ್ ಫಾಂಕವ್ನ್, ಜೀತ ತಸಲ್ಯಾ ಸಾಮಾಜಿಕ್ ಗುಲಾಮ್ಪಣಾ ಥಾವ್ನ್ , ಪಿಡೆಶಿಡೆಥಾವ್ನ್, ಸಮಾಜಿಕ್ ಶೋಶಣಾಥಾವ್ನ್ ಸುಟ್ಕಾ ದೀವ್ನ್ , ತಾಂಚೆಮಧೆಂ ಏಕ್ ಜಾವ್ನ್ ಜಿಯೆವ್ನ್, ತಾಂಕಾ ಶಿಕ್ಷಿತ್ ಕರ್ನ್ , ಕುಡ್ಡಿಪಾತ್ಯೆಣಿ, ಪೊಕೊಳ್ ಆನಿ ಫಟ್ವೊನ್ ಪಡ್ಚ್ಯಾ ರಿವಾಜಿಂ ಥಾವ್ನ್ ಜಾಗವ್ನ್, ನಿಕೃಷ್ಟ್ ಮನ್ಶಾ ಜಿವಿತ್ ಜಿಯೆಂವ್ಚ್ಯಾ ಲೊಕಾಕ್ ಏಕ್ ಉಜ್ವಾಡ್, ಸೊಡ್ವೊಣ್ದಾರ್ ಜಾವ್ನ್ ಜಿಯೆಲ್ಲೊ ಮಹಾನ್ ಮಿಶನರಿ - ಫಾ| ಕೋರ್ಟಿ.
ಕುಟ್ಮಾಚೆಂ ಮ್ಹಣ್ಚೆಂ , ಪ್ರಕೃತೆಚೆಂ ಮ್ಹಣ್ಚೆಂ - ಮೊಂತಿ ಫೆಸ್ತ್ , ಗಾಂವಾಂತ್ ತಶೆಂ ಪರ್ಗಾಂವಾಂತೀ ಗದ್ದಳಾಯೆನ್ ಮಾನಾವ್ನ್ ಜಾಲೆಂ. ಕುಟ್ಮಾ ಸಾಂದ್ಯಾಂನಿ ಸಾಂಗಾತಾ ಮೆಳೊನ್ ನವೆಂ ಜೆಂವ್ಚ್ಯಾ ಹ್ಯಾ ಫೆಸ್ತಾಕ್ ಕಣ್ಶಿ ನಾ ತರ್ ಸೊಭಾಯ್ ನಾ. ಥೊಡ್ಯಾ ವರ್ಸಾಂ ಆದಿಂ ಕಣ್ಶಿ ಗಾಂವಾಂತ್ ಘರಾಂ ಘರಾಂನಿ ಮೆಳ್ಟಾಲಿ ಆನಿ ಹಾಂವ್ ಲ್ಹಾನ್ ಆಸ್ತಾನಾ ಹರೇಕಾ ವಾಡ್ಯಾಚೆ ಗುರ್ಕಾರ್ ಇಗರ್ಜೆಕ್ ಕಣ್ಶಿ ಜಮೊ ಕರ್ನ್ ಹಾಡ್ತಾಲೆ. ಇತ್ಲೆಂ ಆಸೊನೀ ಗಾಂವ್ಚಿ ಕಣ್ಶಿ ತಪ್ಪಾಲಾರ್ ಪರ್ಗಾಂವಾಂಕ್ ಪಾವ್ತಾನಾ ಹಫ್ತೊ , ಮಯ್ನೊ ಜಾತಾಲೊ. ಪಾಚ್ವಿಂ ಭಾತಾಂ ಹಳ್ದುವಿಂ ಜಾತಾಲಿಂ. ಆನಿ ಥೊಡಿಂ ಪೋಸ್ಟ್ ಕವಾರಾಂತ್ಲಿ ಬುರಾಕ್ ಜಾವ್ನ್ ಗಳೊನ್ ವೆತಾಲಿಂ. ಆಜ್ , ಗಾಂವಾಂತ್ ಘರಾಂ ಘರಾಂನಿ ಕಣ್ಶಿ ನಾ. ಪೂಣ್ ಗಾಂವ್ಚಿ ಕಣ್ಶಿ ತೇಚ್ ದಿಸಾ , Instantly ಪರ್ಗಾಂವಾಂಕ್ ಧಾಡ್ಚಿ ವೆವಸ್ಥಾ ಆಸಾ.
ಸಪ್ಟೆಂಬರ್ ಪಾಂಚ್, ಶಿಕ್ಶಕಾಂಚೊಂ ದೀಸ್. ಸಪ್ಟೆಂಬರ್ ಆಟ್ , ಮೊಂತಿ ಸಾಯ್ಭಿಣಿಚೆಂ ಫೆಸ್ತ್. ಏಕ್ ಉತರ್ ಆಸಾ , ‘ ಮನೆಯೆ ಮೊದಲ ಪಾಠಶಾಲೆ , ತಾಯಿಯೇ ಮೊದಲ ಗುರು.’ ಹಾಂಗಾ ಆಪ್ಲ್ಯಾ ಭುರ್ಗ್ಯಾಕ್ ಆವಯ್ ಆನಿ ಶಿಕ್ಶಕಿ ದೊನೀ ಜಾವ್ನ್, ದೊಳ್ಯಾಂನಿ ಭುರ್ಗ್ಯಾಚ್ಯಾ ಫುಡಾರಾಂಚಿ ಸಪ್ಣಾಂ ಘೆವ್ನ್ , ಜಿಣ್ಯೆ ಪಯ್ಣಾಂತ್ ಸಪ್ಣಾಂ ಆನಿ ಜಿಣಿ ದೊನೀ ಅಧುರಿ ಸೊಡ್ನ್ ಗೆಲ್ಲ್ಯಾ ಎಕಾ ಆವಯ್ಚೆಂ ಕಾಳೀಜ್ ಕಡಂವ್ಚೆಂ ಕಥನ್ ದಿಂವ್ಚೆಂ ಧಯ್ರ್ ಘೆತಾಂವ್.
ಸ್ನೇಹಾಲಯಾಕ್ ತೀನ್ ವರ್ಸಾಂ ಜಾತಾತ್. ಏಕಾ ಕಾಳಾರ್ ರಸ್ತ್ಯಾರ್ ನಿರ್ಗತಿಕ್ ಜಾವ್ನ್ ಪಡೊನ್ ಆಸಲ್ಲೆ ಆಜ್ ಸಂತೊಸಾನ್ ಸ್ನೇಹಾಲಯ ಮ್ಹಳ್ಯಾ ಘೊಂಟೆರಾಂತ್ ಹಾಸೊನ್, ಖೆಳೊನ್ ಆಸಾತ್. ಜೋಸೆಫ್ ಆಪ್ಲ್ಯಾ ಸಂಸಾರಿ ಖುಶಾಲಾಯೆಚ್ಯಾ ಜಿಣ್ಯೆಕ್ ಪಾಟ್ ಕರ್ನ್ ಹ್ಯಾ ನಿರ್ಗತಿಕಾಂ ಖಾತಿರ್ ಖಳ್ಮಿತ್ ನಾಸ್ತಾನಾ ವಾವುರ್ತೇ ಆಸಾ. ಕುಟ್ಮಾ ಥಾವ್ನ್ ವಾಟ್ ಚುಕೊನ್ ಆಯಿಲ್ಲ್ಯಾ ಸಬಾರಾಂಕ್ ಪರಾತ್ ಕುಟ್ಮಾಕ್ ಪಾಟಿಂ ಪಾವಂವ್ಕ್ , ಮಾನಸಿಕ್ ಸ್ಥಿಮಿತ್ ಚುಕ್ಲೆಲ್ಯಾಂಕ್ ಸ್ಥಿಮಿತಾಂಕ್ ಹಾಡ್ಚೆಂ ಪ್ರೇತನಾಂ ಕರ್ತಾ. ಘಾಯೆಲ್ಲ್ಯಾಂಕ್ ಚಿಕಿತ್ಸಾ ದಿತಾ, ಭುಕೆಲ್ಲ್ಯಾಂಕ್ ಖಾಣ್ ದಿತಾ.
ತುಮ್ಕಾಂ ವ್ಯಭಿಚಾರಿ ಮ್ಹಣೊನ್ ಆಪಯಿಲ್ಲ್ಯಾಂಚಿ ತುಮಿ ಪರ್ವಾ ಕರಿನಾಕಾತ್. ಕಿತ್ಯಾಕ್ ಮ್ಹಳ್ಳ್ಯಾರ್ ಹ್ಯಾ ನಾಗರಿಕ್ ಸಮಾಜೆನ್ ಪರ್ವಾ ಕರ್ಚಿ ವಿಷಯ್ ವೆಗ್ಳಿ ಆಸಾ. ಖಂಚಾಗೀ ಎಕಾ ಒಳೊಕ್ ನಾತ್ಲ್ಲ್ಯಾ ಸ್ತ್ರೀಯೆಕ್ ವ್ಯಭಿಚಾರಿ ಮ್ಹಣೊನ್ ಆಪಂವ್ಚೆ ಹೆ ಮನಿಸ್ ಆಪ್ಲಿ ಬಾಯ್ಲ್/ಭಯ್ಣ್/ಆವಯ್- ಹಾಂಕಾಂ ಕಸಲ್ಯಾ ದಿಷ್ಟಿನ್ ಪಳಯ್ತಾ ಕೊಣ್ಣಾ? ಆನಿ ಹಾಂಚಿ ಅವಯ್/ಬಾಯ್ಲ್/ಭಯ್ಣ್ ಯಾ ಸೆಜಾರಿ ಸ್ತ್ರೀಯೊ ಹಾಂಚೆಥಾವ್ನ್ ಸದಾಂನಿತ್ ಕಸ್ಲೆಂ ಶೋಷಣ್ ಸೊಸುನ್ ಜಿಯೆತಾತ್ ಕೊಣ್ಣಾ?
ತಿ ರಾತ್ ನತಾಲಾಂಚಿ. ಹಾಂವ್ ಬಿಸ್ಪಾಕ್ ನತಾಲಾಂ ರಾತಿಚೆಂ ಮೀಸ್ ಭೆಟಂವ್ಕ್ ತೆರ್ನಮಕ್ಕಿಥಾವ್ನ್ ಶಿರಾಲಿ ಇಗರ್ಜೆಕ್ ಆಪವ್ನ್ ವ್ಹರ್ತಾಲೊಂ. ತೆ ಕಾಳ್ಕೆ ರಾತಿಂ ಎಕಾ ನಾರ್ಲಾ ತೊಟಾಂತ್ಲ್ಯಾನ್ ಆಮ್ಚೆಂ ವಾಹನ್ ಪಾಶಾರ್ ಜಾತಾನಾ, ಮ್ಹಾಕಾ ವಾಟ್ ಚುಕ್ಲಿ ಆನಿ ಆಮ್ಚೆಂ ಜೀಪ್ ಮಾರೊಗ್ ಸಾಂಡುನ್ ದರ್ಯಾ ಪೊಕೊರ್ನೆಕ್ ಆಡ್ ಬಾಂದ್ಲ್ಲ್ಯಾ ವೊಣೊದಿಚೆರ್ ಚಡೊನ್ ಮುಕ್ಲಿಂ ರೊಜಾಂ ವಾರ್ಯಾರ್ ಘೊಂವೊಂಕ್ ಲಾಗ್ಲಿಂ! ಕಿತ್ಲೆಂ ಪ್ರೇತನ್ ಕೆಲ್ಯಾರೀ ಗಾಡಿ ಪಾಡಿಂ ಕಾಡುಂಕ್ ಜಾಲಿನಾ. ಕಾಳ್ಕಿ ರಾತ್ ವೆಗ್ಳಿ! ಕಾಯಿಂಚ್ ದಿಸಾನಾ. ಹ್ಯಾ ವಗ್ತಾ ಸಂಪೂರ್ಣ್ ದೆದೆಸ್ಪೊರ್ ಜಾಲ್ಲ್ಯಾ ಮ್ಹಾಕಾ ಮಾಯ್ಪಾಸಿ ಕಾಳ್ಜಾನ್ ಭುಜವ್ನ್ ‘ಯಾ ಚಲ್ಯಾಂ... ಮುಕಾರ್ ಕಿತೆಂಯ್ ಮೆಳ್ತಾಗಿ ಪಳೆವ್ಯಾಂ...’ ಮ್ಹಣ್ ಮ್ಹಜೊ ಹಾತ್ ಧರ್ನ್ ಕಾಂಟ್ಯಾ ಖುಂಟ್ಯಾಂನಿ ಮೆಟಾಂ ಕಾಡಿತ್ತ್ ಮುಕಾರುನ್ ಗೆಲ್ಲ್ಯಾ ಬಿಸ್ಪಾಚ್ಯಾ ಮೊವಾಳಾಯೆಥಂಯ್ ಆಜ್ಯಾಪ್ಲೊಂ ಹಾಂವ್.
ಯೆರೊಪಾಥಾವ್ನ್ ಮ೦ಗ್ಳುರ್ಚೆ ಧರ್ಣಿರ್ ಪಾ೦ಯ್ ದವರ್ಲ್ಲ್ಯಾ ಜೆಜ್ವಿತಾ೦ಚ್ಯಾ ಪ್ರಥಮ್ ಪ೦ಗ್ಡಾ೦ತ್ ಬಾಪ್ ಆ೦ಜೆಲೊ ಸಾವೇರಿಯೊ ಮಾಫೇಯಿ ಮ್ಹಳ್ಳೊ ಎಕ್ಲೊ ಚುರುಕ್ ಆನಿ ಚತುರ್ ಜೆಜ್ವಿತ್ ಆಸ್ಲ್ಲೊ. 1880 ಸಾ೦.ಲುವಿಸ್ ಕೊಲೆಜ್ ಹ್ಯಾ ಜೆಜ್ವಿತಾ೦ನಿ ಸುರು ಕೆಲಿ ಪುಣ್ ಹಜಾರ್ ರಾಟಾವಳಿ೦ ಮಧೆ೦ ತರಿ ಹ್ಯಾ ತರ್ನಾಟ್ಯಾ ಜೆಜ್ವಿತಾಚಿ ಆತುರಾಯ್ ಆನಿ ಗಮನ್ ಮ೦ಗ್ಳುರಾ೦ತ್ಲ್ಯಾ ಎಕಾ ಭಾಶೆಚೆರ್ ಖ೦ಚ್ಲೆಂ - ಕೊ೦ಕಣಿ.
ಆಧುನೀಕರಣಾಚ್ಯಾ ವೊಶ್ಯಾಕ್ ಅಶೆಂಯೀ ಬದಲ್ಲೆಲ್ಯಾ ಮಂಗ್ಳುರಾಕ್ ಲಾಗೊನ್ ಆಸ್ಚ್ಯಾ - ಅಲಂಗಾರ್ ತಸಲ್ಯಾ ಎಕಾ ಹಳ್ಳೆಂತ್ ಫಕತ್ ಭಲಾಯ್ಕೆ ಸೆವಾ ದೀಂವ್ಕ್ ಆನಿ ಅಂಕ್ವಾರ್ ಆವಯಾಂಚಿಂ, ಸಾಂಡುನ್ ಘಾಲ್ಲ್ಯಾ ಭುರ್ಗ್ಯಾಂಚಿಂ ಆನಿ ನಿರ್ಗತಿಕಾಂಚಿಂ ಜತನ್ ಘೆಂವ್ಕ್ ಮ್ಹಣ್ ಉದೆಲ್ಲೊ ಏಕ್ ಸೆವಾ ಸಂಸ್ಥೊ , ಹ್ಯಾಚ್ ಜೂನ್ ಮಯ್ನ್ಯಾಚ್ಯಾ ಸತ್ತಾವೀಸ್ ತಾರಿಕೆರ್ ಖಬ್ರೆವಿಣೆ 75 ವರ್ಸಾಂ ಸಂಪಯ್ತಾ.
ರುಕಾಕ್ ಫಳ್ ದಿ೦ವ್ಚಿ ಪ್ರಾಯ್ ಯೆತಾನಾ,ರೂಕಾಚ್ಯಾ ಫಾ೦ಟ್ಯಾ೦ಚಿ ಚಾಲ್ಯೊ ಪುಟೊನ್ ರೂಕ್ ದರಗ್ ಜಾತಾ.ಹ್ಯಾ ವೆಳಾರ್ ಸುಕ್ಣ್ಯಾ೦ಕ್ ಬಸೊ೦ಕ್ ಸುಲಭ್ ಜಾತಾ.ಸುಕ್ಣ್ಯಾನಿ೦ ಖಾವ್ನ್ ಜಿರನಾತ್ಲ್ಯೊ , ಹ್ಯೊ ಬೆ೦ದರಾಚೆ ಬಿಯೊ ಗುವಾ ಮುಕಾ೦ತ್ರ್ ಹ್ಯಾ ದರಗ್ ಜಾಗ್ಯಾರ್ ರಾವ್ತಾತ್.
ಹ್ಯಾ ದೇಸಾಂತ್ ಸರ್ಕಾರ್, ದಿಯೆಸೆಜ್ ಆನಿ ಸಂಘಟನಾಂ ದುಬ್ಳ್ಯಾಂಕ್ ಘರಾಂ ಬಾಂದುನ್ ದೀವ್ನ್ ಪ್ರಚಾರ್ ಜೊಡ್ಚೆಂ ಆಮಿ ಆಯ್ಕಾಲಾಂ. ಏಕ್ ಲಾಯಿಕ್, ಘರಾ ಎಕಾಕ್ ಪಾಂಚ್ ಲಾಕ್ ಖರ್ಚುನ್ ಕಸಲೊಚ್ ಪ್ರಚಾರ್ ಆಶೆನಾಸ್ತಾನಾ ದುಬ್ಳ್ಯಾಂಕ್ ಖಬ್ರೆವಿಣೆ 34 ಘರಾಂ ಬಾಂದುನ್ ದಿತಾ ಮ್ಹಳ್ಯಾರ್ ?
ಕೊಂಕ್ಣಿ ಸಾಹಿತ್ಯಾಂತ್ಲ್ಯಾ ಉತ್ರಾಂ ಆನಿ ಸಂಗೀತಾಚಿ ಅಪ್ರೂಪ್ ಜೊಡಿ ಕರ್ನ್, ಸುಮಾರ್ ಪಂಚ್ವೀಸ್ ವರ್ಸಾಂ ಆದಿಂಚ್ಯಾ ಕೊಂಕ್ಣಿ ಗಾಯನ್ ವ್ಯವಸ್ತೆಂತ್ ಕೊಂಕ್ಣೆಚೆಂ ಸೈಂಭ್ ಪಾಟಿಂ ಹಾಡುಂಕ್, ಅಮರ್ ಚಾಫ್ರಾ, ಎರಿಕ್ ಒಝೇರ್ ಆನಿ ಮೆಲ್ವಿನ್ ರೊಡ್ರಿಗಸ್ ಹಾಣಿ ಕೆಲ್ಲ್ಯಾ ಪ್ರೇತನಾಂಚೊ ಫಳ್ ಜಾವ್ನ್ 30 ನವೆಂಬರ್ 1986 ವೆರ್ “ಕೊಂಕ್ಣಿ ಸಂಗೀತಾಂತ್ ನವ್ಯಾ ಸ್ವರೂಪಾಚಿಂ ಸೊದ್ನಾಂ” ಮ್ಹಳ್ಳೊ ನಿರ್ದಿಷ್ಟ್ ಆನಿ ಸೀಮಿತ್ ದಿಷ್ಟಾವೊ ಘೆವ್ನ್ ಮಾಂಡ್ ಸೊಭಾಣ್ ಉದೆಲೆಂ.
ಕಾಳ್ಜಾನ್ ನಿತಳ್, ಉತ್ರಾಂನಿ ಶೀದಾ, ಕಾಮಾಂತ್ ಚುರುಕ್ ಆನಿ ಕರ್ತವ್ಯಾಂತ್ ಶಿಸ್ತೆಚೊ ಜಾವ್ನಾಸ್ಲೆಲ್ಯಾ ಫಾದರ್ ವಾಲ್ಡರಾನ್ ತಾಚ್ಯೆ ಜಿಣಿಯೆಂತ್ಲಿಂ 75 ವರ್ಸಾಂ ಪಾಶಾರ್ ಕೆಲಿಂ ಮ್ಹಳ್ಳೆಂ ಸ್ವೀಕಾರ್ ಕರುಂಕ್ ಚಿಕ್ಕೆ ಮನ್ ಆಯ್ಕಾನಾ. ಥೊಡ್ಯಾ ಮಹಿನ್ಯಾಂನಿ ನಿರ್ವೊಗ್ ನಾಸ್ತಾಂ ವಾಲ್ಡರ್ ಬಾಪ್ ತಾಚ್ಯಾ ಫಿರ್ಗಜ್ ಪಾದ್ರಿಚ್ಯಾ ವಾವ್ರಾ ಥಾವ್ನ್ ನಿವೃತ್ತ್ ಜಾತೆಲೆ.
ಆಜ್-ಕಾಲ್ ನ್ಹಂಯ್; ಹಿಲರಿ ಪಿಂಟೊಚ್ಯಾ ಮರ್ಣಾದುರಂತಾಕ್ ಆತಾಂ ಎಕಾ ವರ್ಸಾಚ್ಯಾಕೀ ಚಡ್ ಪಿರಾಯ್ ಜಾಲಿ. ತಾಚ್ಯಾ ವರ್ಸಾಚ್ಯಾ ಮಿಸಾಕ್ ಚಾಪ್ಲ್ಲ್ಯಾ ರಿಜಿಸ್ತ್ರಾಚೆರ್ ಸಯ್ತ್ ತಾಚಿ ಜಲ್ಮಲ್ಲಿ ತಾರೀಕ್ ನಾ! ಫಾಂಟ್ಯಾಲಾಗಿಂ ಆಪ್ಲೆಂ ನಾತೆಂ ತುಟ್ತಚ್ ಏಕ್ ಖೊಲಿ ಖಬ್ರೆವಿಣೆಂ ಮಾತಿಯೆಕ್ ಮೆಳ್ಚೆಬರಿ ಹಿಲರಿ ಪಿಂಟೊನ್ ಆಪ್ಲೆಂ ಜಿಣೆಂ ಸಂಪಯಿಲ್ಲೆಂ.
ಹೆರೊಲ್ಪಿಯುಸ್, ವಲ್ಲಿ ವಗ್ಗ, ಸ್ಟೇನ್ ಅಗೇರಾ, ಸುನಂದ್ ತಸಾಲ್ಯಾ ನಾಮ್ಣೆಚ್ಯಾ ಬರವ್ಪ್ಯಾಂಚಿಂ ಬರ್ಪಾಂ ಕನ್ನಡಾಂತ್ ಘಾಲ್ನ್ ಕನ್ನಡ ಸಾಹಿತ್ ಸಂವ್ಸಾರಾಕ್ ಕೊಂಕ್ಣಿ ಬರವ್ಪ್ಯಾಂಚಿಂ ವಳಕ್ ಕರುನ್ ದಿಲ್ಲ್ಯಾ ಎಕಾ ಮ್ಹನ್ಶ್ಯಾಚ್ಯಾ ಮೊರ್ನಾ ಮಿಸಾಚ್ಯಾ ರಜಿಸ್ತ್ರಾರ್ ತಾಚ್ಯಾ ಜಲ್ಮಾ ತಾರಿಕ್ ಛಾಪ್ಚಿ ಗತ್ ನಾ. ತೊ ಸರ್ಲ್ಯಾ ಉಪ್ರಾಂತ್ ತಾಚ್ಯಾ ಸಾಹಿತ್ಯಾಕ್ ಭಾಯ್ರ್ ಉಡವ್ನ್ ಉಜೊ ದಿಲಾ ಮ್ಹಲ್ಳಿ ಖಬರ್ ಆಸಾ. ತಾಂತು ತಾಣೆ ಭಾಶಾಂತರ್ ಕೆಲ್ಲ್ಯೊ ಹಾತ್ ಪ್ರತಿಯೊ ಮಾತ್ ನ್ಹಯ್ ತಾಣೆ ಕನ್ನಡಾಂತ್ ಬರಯಿಲ್ಲೆಂ ಬಾಳ್ ಸಾಹಿತ್ ಆನಿ ಹೆರ್ ಸೃಜನಾತ್ಮಕ್ ಬರ್ಪಾಂ ಸಯ್ತ್ ಆಸುಲ್ಲಿಂ ಮ್ಹಣ್ ಅಂದಾಜ್.
