ಕಾಣಿ
ಕವಿತಾ
ಸಕಾಳಿಕ್
ಸಂದರ್ಶನ್
- ನಾಯ್ಟಾಂತ್ ಗಾವ್ಪ್ಯಾಂಚೆಂ ಪ್ರಸಂಟೇಶನ್ ಮಹತ್ವಾಚೆಂ ಸ್ಟ್ಯಾನಿ ಮೆಂಡೋನ್ಸಾ
- ಭುರ್ಗ್ಯಾಂಚೆಂ ಸಾಹಿತ್ಯ್ ರಚ್ಚ್ಯಾಂತ್ ತೃಪ್ತಿ ಆಸಾ - ಜೆ.ಎಫ್.ಡಿಸೋಜಾ
- ರಾಜಕೀಯ್ ಮನ್ಶ್ಯಾಂಕ್ ಲೊಕಾಚೊ ಹುಸ್ಕೊ ನಾ - ಶಿವಸುಂದರ್
- ಹಾಂವ್ ಏಕ್ ಕಾಣಿಯಾಂಗಾರ್ - ವಲ್ಲಿ ವಗ್ಗ
- ಪುರೋಹಿತ್ಶಾಹಿ - ಆಮ್ಕಾಂ ಬಾಂದುನ್ ಘಾಲ್ಚಿ ಸಾಂಕಳ್ - ಡೊ | ನಾ. ಡಿ ಸೊಜಾ
- ಹಾಂವ್ ತೃತೀಯ ಶಕ್ತಿ - ಚಿನ್ನಾ ಕಾಸರಗೋಡು
ವಿಶೇಸ್
ಎಚ್ಚೆಮ್ ವಿಚಾರ್
ಅಂಕಣಾಂ
ಇಕ್ರಾವೆ ಸಾಹಿತ್ಯ್ ಪರಿಷದೆಕ್ ಚಾ. ಫ್ರಾ. ಆಮ್ಕಾಂ ಭಾಯ್ಲ್ಯಾ ಭಾಯ್ರ್ ತಾಚೊ ಆಧಾರ್/ಸಹಕಾರ್/ಸಲಹಾ ದೀವ್ನ್ಂಚ್ ಆಸ್ಲ್ಲೊ. ಗೊಂಯ್ಕಾರಾಂಲಾಗಿಂ ಸಂಬಂಧ್ ವಾಡಂವ್ಕ್ ತೊ ಮುಖೆಲ್ ಖಾಂಬೊ ಕಸೊ ಆಸ್ಲ್ಲೊ. ಹ್ಯಾ ವೆಳಾರ್ ಚಾ.ಫ್ರಾ.ಕ್ ಏಕ್ ಆಲೋಚನ್ ಆಯ್ಲಿ ಆನಿ ತಾಣೆಂ ಮ್ಹಜೆಲಾಗಿಂ ಹಾಕಾ ಸಹಕಾರ್ ಮಾಗ್ಲೊ. ಹ್ಯಾ ಕೊಂಕ್ಣಿ ಪರಿಷದೆಚ್ಯಾ ತೀನ್ ದಿಸಾಂನಿ ಪರಿಷದೆಚಿ ಖಬರ್ ಪ್ರಕಟ್ ಕರುನ್ ಏಕ್ ದಿಸಾಳೆಂ ಕಾಡುಂಕ್ ಪ್ರಯತ್ನ್ ಕರ್ಯಾಂ ಮ್ಹಳ್ಳ್ಯಾಕ್ ಹಾಂವೆ ಸಯ್ ಘಾಲಿ. ಪತ್ರಾಚೆಂ ನಾಂವ್ ಉದೆವ್ ಮ್ಹಣ್ ದೀಂವ್ಕ್ ಚಿಂತ್ಲೆಂ ತಸೆ ಚಾ. ಫ್ರಾ.ನ್ ಮ್ಹಾಕಾ ತ್ಯಾ ತೀನ್ ದಿಸಾಂಚ್ಯಾ ದಿಸಾಳ್ಯಾಚೊ ಸಂಪಾದಕ್ ಜಾವ್ನ್ ನೆಮ್ಲೊ ಆನಿ ತೊ ಪ್ರಕಾಶಕ್ ಜಾವ್ನ್ ರಾವ್ಲೊ.
ಹಾಂವೆ ಕಾಣಿಯಾಂ ಕವನಾಂನಿ ಮೋಗಾ ವಿಶ್ಯಾಂತ್ ಬರಯಿಲ್ಲೆಂ, ವರ್ಣನ್ ದಿಲ್ಲೆಂ, ಪುಣ್ ಹಾಂಗಾ ಮ್ಹಜ್ಯಾಚ್ ಜೀವನಾಂತ್ ಘಡಿತ್ ಜಾತಾನಾ ಮಾತ್ರ್ ಹಾಂವ್ ಉತ್ರಾಂವೀಣ್ ಜಾಲ್ಲೊಂ. ವೀನಾಚ್ಯಾ ದೊಳ್ಯಾಂನಿ ದುಃಖಾಂ ದಿಸ್ಲಿಂ ಮ್ಹಾಕಾ. ಹಾಂವೆ ತಾಕಾ ಭುಜಯ್ಲೆಂ ಆನಿ ಮ್ಹಳೆಂ , "ಅಳೆ ವೀನಾ, ಹಾಂವ್ ತುಜಿಂ ಹಿಂ ಸರ್ವ್ ಉತ್ರಾಂ ಆಯ್ಕೊನ್ ಸಂಪೂರ್ಣ್ ಖಾಲ್ತೊ ಜಾಲಾಂ; ತುಂ ಏಕ್ ಮಾಣಿಕ್ ಕಸೆಂ . .
"ಅರೆ ಆತಾಂ ಹೊ ಪಾತ್ರ್ ಕೊಣಾಕ್ ದಿಂವ್ಚೊ?" ವಿಜೆಪಿಚೆಂ ಸವಾಲ್. "ತ್ಯಾ ವಿಶ್ಯಾಂತ್ ತುಂ ಕಿತೆಂಚ್ ಫಿಕಿರ್ ಕರಿನಾಕಾ, ಫಾಲ್ಯಾಂಚ್ ಹಾಂವ್ ತುಕಾ ಏಕ್ ಊಂಚ್ ನಟ್ ಸೊಧುನ್ ಹಾಡ್ಟಾಂ" ಮ್ಹಣ್ ಹಾಂವೆ ತಾಕಾ ಭಾಸ್ ದಿಲಿ. ಮುಹೂರ್ತ್ ಸಂಪ್ಲ್ಯಾ ಉಪ್ರಾಂತ್ ಹಾಂವ್, ಆಸ್ಟಿನ್ ಡಿ’ಕುಞಾ ಆನಿ ಗೇಬ್ರಿಯಲ್ ವಾಝ್ ನಂತೂರ್ ಗುಡ್ಯಾಕ್ ಗೆಲ್ಯಾಂವ್. ವಾಟೆರ್ ಹಾಂವೆ ತಾಂಕಾಂ ಸಂಕ್ಷಿಪ್ತ್ ಗಜಾಲ್ ಸಾಂಗ್ಲಿ.
ಲ್ಯಾನ್ಸ್ಲೆಟ್ ಚಿಕ್ಮಗ್ಳೂರ್, ಸ್ಟ್ಯಾನಿ ನೀರುಡೆ, ರೊನ್ ರೊಚ್ ಕಾಸ್ಸಿಯಾ, ಸಿಜ್ಯೆಸ್ ತಾಕೊಡೆ, ಸ್ಟ್ಯಾನ್ ಅಗೇರಾ, ಮುಲ್ಕಿ ತಸಲ್ಯಾ ತರುಣ್ ಲೇಖಕಾಂಚ್ಯೊ ಕಾಣಿಯೊ ಪ್ರಕಟ್ ಕೆಲ್ಯೊ ತರೀ ಲೋಕಾ ಥಂಯ್ ಕಸಲೆಂಗೀ ನಾಪಸಂದಾಯೆಚೆಂ ವಾತಾವರಣ್ ಉದೆಲ್ಲೆಂ. ಮಿತ್ರ್, ಝೆಲೊ, ಕಾಣಿಕ್ ಮ್ಹಣ್ಟಾನಾ ಲೋಕಾಕ್ ಕಿತೆಂಗಿ ಕಾಂಟಾಳೊ ಮ್ಹಳ್ಳ್ಯಾಪರಿಂ ಪ್ರಾಸ್ ಜಾತಾಲೆಂ. ಲೋಕಾಚ್ಯಾ ಮತಿಂ ಏಕ್ಚ್ - ಹಾಂವ್ . .
ಮ್ಹಜ್ಯೊ ರಾಟಾವಳಿ, ಮ್ಹಜಿಂ ಸಂಘಟನಾಂ, ಮ್ಹಜಿಂ ನಾಟಕಾಂ, ಮ್ಹಜಿಂ ತೀನ್ ಪತ್ರಾಂ ಆನಿ ಆತಾಂ ಮ್ಹಜಿ ಹಿ ಭಿರಾಂಕುಳ್ ಕೆಸೊಳಿ - ಹೆಂ ಸರ್ವ್ ಚಿಂತ್ಚ್ಯಾ ಮ್ಹಾಕಾ ತ್ಯಾ ಪಾದ್ರಿಚ್ಯಾ ವಕೀಲಾನ್ ವಿಚಾರ್ಲೆಲೆ ಕಿತೆಂಚ್ ನಂಯ್ ಕಸೆಂ ಭೊಗ್ಲೆಂ. ಹಾಂವೆ ಜಾಯ್ತ್ ಮ್ಹಳೆಂ ಆನಿ ವಿಚಾರ್ಲೆಲ್ಯಾ ಪತ್ರಾಂಕ್ ಮ್ಹಜಿ ಸಹಿ ದೊಳೆ ಧಾಂಪುನ್ಂಚ್ ಘಾಲಿ. ಜೆಜು ಕ್ರಿಸ್ತಾಚಿ ಉತ್ರಾಂ ಮ್ಹಜ್ಯಾ ಮತಿಪಟಲಾರ್ ಘುಸ್ಲಿಂ, "ಸರ್ವ್ ಸಂಪದಲೆಂ!" ನಿಮಾಣೆ ಕಂತ್ ಜಾವ್ನ್ ದೋನ್ ಹಜಾರ್ ರುಪಯ್ ಹಾಂವೆ ವಕೀಲಾಕ್ ದಿಲೊ ಆನಿ ಕೋಡ್ತಿ ಆಂಗ್ಣಾ ಥಾವ್ನ್ ಹಾಂವ್ ಆನಿ ಎವ್ಜಿನ್ ಮಸ್ಕರೇನ್ಹಸ್ ಭಾಯ್ರ್ ಪಡ್ಲ್ಯಾಂವ್. ವಕೀಲ್ ತಾಚೆಂ ಕಾರ್ ಘೆವ್ನ್ ಕೊಲಾಬಾ ಗೆಲೊ. ಮ್ಹಾಕಾ ಎವ್ಜಿನಾನ್ ಬಾಯ್ಕಲಾ ಗ್ಲೋರಿಯಾ ಇಗರ್ಜೆಕ್ ವ್ಹೆಲೊ.
ತೆನ್ನಾಂ ಮ್ಹಾಕಾ ತೆವೀಸ್ ವರ್ಸಾಂ, ಹುನ್ ರಗತ್, ಕ್ರಾಂತಿಕಾರಿ ಚಿಂತ್ನಾಂ ಆನಿ ಮತಿಂತ್ ನಂತೂರ್ ಗೂಡ್ಯಾವಯ್ಲೊ ಫಾ| ಪಿರೆರಿಚೊ ಘಣ್ಗಣಿತ್ ಪ್ರಸಂಗ್ ! ಮಿತ್ರ್ ಪತ್ರ್ ಏಕಾಚ್ಛಾಣೆ ವಾಡ್ಲೆಂ ಆನಿ ಘರಾಂ ಘರಾಂನಿ ಚಡ್ಲೆಂ. ಪ್ರಸಾರ್ ಆನಿ ಪ್ರಚಾರ್ ಸಾಂಗಾತಾ ಮೆಳೊನ್ ಮಿತ್ರಾಚೆಂ ನಾಂವ್ ಗಾಜ್ಲೆಂ. ಹ್ಯಾಚ್ ವೆಳಾ ಫಕತ್ ದೋನ್ ಹಫ್ತೆ ಆಖೇರ್ ಜಾಂವ್ಚ್ಯಾ ಪಯ್ಲೆಂಚ್ ಮ್ಹಾಕಾ ಬೊಂಬಯ್ ಬ್ಯಾಂಡ್ರ್ರಾಂತ್ಲ್ಯಾ ಏಕಾ ಹಿಂದು ಮರಾಠಿ ವಕೀಲಾ ಥಾವ್ನ್ ನೋಟೀಸ್ ಆಯ್ಲೆಂ.
ಸಿಜ್ಯೆಸ್, ಹಾಂವ್, ಓಝಿ ಆನಿ ಹೆರ್ ತರ್ನಾಟೆ ಆಮಿ ದರ್ಯಾ ತಡಿಕ್ ಪಾವ್ಲ್ಯಾಂವ್. ಥಂಯ್ಸರ್ ಪಳೆಂವ್ಚೆಂ ಕಿತೆಂ? ಸಭಾರ್ ಗೊರಿಂ ಫಕತ್ ಮೊಮ್ಯಾಂ ಪೊತಿ ಆನಿ ಲಾನ್ಶಿ ಚಾಡ್ಡಿ ಘಾಲ್ನ್ ವೊತಾಕ್ ನಿದೊನ್ ಆಸ್ಲ್ಲಿಂ.
ಆನ್ಯೇಕ್ ಪತ್ರ್ ಬಂಧ್ ಜಾತಾ? ಹಾಂವ್ ಮತಿ ಭಿತರ್ ಚಿಂತಿಲಾಗ್ಲೊಂ."ಹೇಯ್, ಊಟ್ ಸಾಯ್ಬಾ" ಮ್ಹಣ್ ಸಿಜ್ಯೆಸಾನ್ ಸಾಂಗ್ತಾನಾಂಚ್ ಹಾಂವ್ ಜಾಗೃತ್ ಜಾಲೊಂ. "ಯಾ ಸಾಯ್ಬಾ ಆತಾಂಚ್, ಸ್ಟಾರ್ಟ್ ಕರ್ ತುಜೆಂ ಯೆಝ್ಡಿ." ತಾಣೆಂ ಮ್ಹಾಕಾ ಫರ್ಮಾಣ್ ದಿಲ್ಲ್ಯಾಪರಿಂ ಸಾಂಗ್ಲೆಂ. ಅರ್ರೇ ಆತಾಂ ಕಿತೆಂ ಕರ್ಚೆಂ, ಆನ್ಯೇಕ್ ಪತ್ರ್ ಬಂಧ್ ಜಾಂವ್ಕ್ ಕಸೆಂ ಸೊಡ್ಚೆಂ?
ಉಪ್ರಾಂತ್ ಹಾಂವ್ ಮುಖ್ಯ ತಪ್ಪಾಲ್ ಕಛೇರಿಕ್ ವಚೊನ್ ಝೆಲೊ ತಪ್ಪಾಲಾರ್ ಧಾಡ್ಚ್ಯಾಕ್ ಧೃಡೀಕರಣ್ ಪತ್ರ್ ಘೆಂವ್ಚ್ಯಾಕ್ ಅರ್ಜಿ ದೀಂವ್ಕ್ ಗೆಲೊಂ. ಕದ್ರಿ ಕೆನಾರಾ ಬ್ಯಾಂಕಾಕ್ ವಚೊನ್ ಝೆಲೊ ಪ್ರಕಾಶನ್ ನಾಂವಾರ್ ಏಕ್ ಖಾತೊ ಉಗ್ತಾಯ್ಲೊ. ವಿಳಾಸ್ ಟಾಯ್ಪ್ ಕರುಂಕ್ ಮ್ಹಣ್ ಏಕ್ ನವೆಂಚ್ ಗೋದ್ರೆಜ್ ಟೈಪ್ ರಾಯ್ಟರ್ ಘೆತ್ಲೆಂ. ಬೆಂದುರ್ಚ್ಯಾ ಹರ್ಮನ್ ಮಚಾದೊಕ್ ಮೆಳೊನ್ ಏಕ್ ಝೆಲೊ ಪ್ರಕಾಶನ್ ಮ್ಹಳ್ಳೊ ಬೋರ್ಡ್ ಕರುಂಕ್ ಸಾಂಗ್ಲೆಂ. ಹಾಂವೆ ತೊ ಬೋರ್ಡ್ ಆಮ್ಚ್ಯಾ ಕಲಾ ಸಂಪತ್ ವೋಣಿಚ್ಯಾ ಹೈವೇ 17 ರಸ್ತ್ಯಾಲಾಗಿಂ ಘಾಲುಂಕ್ ಮಾಂಡ್ಣಿ ಕೆಲಿ - - ಕೋಣೀ ಝೆಲೊ ದಫ್ತರ್ ಸೊಧುನ್ ಆಯ್ಲಿಂ ತರ್ ತಾಂಕಾಂ ಸುಲಭ್ ಜಾಂವ್ಚ್ಯಾಕ್. ವ್ಹಯ್, ಹಾಂವ್ ಆತಾಂ ಕೊಂಕ್ಣೆಂತ್ಲ್ಯಾ ಏಕಾ ನಾಂವಾಡ್ದಿಕ್ ಝೆಲೊ ಪತ್ರಾಚೊ ಸಂಪಾದಕ್ ಜಾಲ್ಲೊಂ.
ಸದಾಂಚೆಂ ಕಾಮ್ ಕರುನ್ಂಚ್ ಆಸ್ತಾಂ ಸಾಡೆನೋವ್ ವೊರಾರ್ಶೆಂ ಎಲ್ಲೆಮ್ ಡಿ’ಕೋಸ್ತಾಚೆಂ ಫೋನ್ ಆಯ್ಲೆಂ. ಏಕಾಚ್ಛಾಣೆ ತಾಚೆಂ ಸವಾಲ್..."ಆಳೆ ಸಾಯ್ಬಾ ಹಾಂವೆ ಆಯ್ಕಾಲೆಂ ತುಂ ಜೊ ಸಾ ಆಲ್ವಾರಿಸಾಕ್ ಆಮ್ಚ್ಯಾ ವರ್ಗಣ್ದಾರಾಂಚಿ ಲಿಸ್ಟ್ ಧಾಡ್ತಾಯ್ ಖಂಯ್, ತಸೆಂ ತುಂವೆ ಹಾಂವೆ ದಿಂವ್ಚೊ ಸಾಂಬಾಳ್ ಘೆವ್ನ್ ಕರ್ಚೆಂ ಮ್ಹಾಕಾ ಸಮಾ ದಿಸಾನಾ.." ತೊ ಉಲವ್ನ್ಂಚ್ ವೆತಾಲೊ. ಹಾಂವೆ ತಾಕಾ ಅರ್ಧ್ಯಾರ್ ರಾವಯ್ಲೊ ಆನಿ ಮ್ಹಳೆಂ, "ಅಳೆ ಕೋಸ್ತಾಮಾ, ಜರ್ ತುಂ ಚಿಂತಾಯ್ ಹಾಂವ್ ಪಯ್ಣಾರಿ ಸಂಚಾಲಕ್ ಜಾವ್ನ್ ಪಯ್ಣಾರಿ ವರ್ಗಣ್ದಾರಾಂಚಿ ಪಟ್ಟಿ ಆಲ್ವಾರಿಸಾಕ್ ಧಾಡ್ತಾಂ ಆನಿ ತುಕಾ ಪಾಟ್ಲ್ಯಾನ್ ಸುರಿ ಮಾರ್ತಾಂ ತರ್ ಆನಿ ಹಾಂವ್ ಹ್ಯಾ ದಫ್ತರಾಂತ್ ಕಾಮಾಕ್ ರಾವಾನಾ. ಹಾಂವ್ ಆತಾಂಚ್ ಚಲ್ಲೊಂ.
ಬಾಮ್ಸಾನ್ ಮ್ಹಾಕಾ ಏಕ್ ದೀಸ್ ನಾಟಕಾಂತ್ ಪಾತ್ರ್ ಘೆಂವ್ಕ್ ವತ್ತಾಯ್ ಕೆಲಿ. ಹಾಂವ್ ಗಾಂವಾಂತ್ ಆಸ್ತಾನಾ ಎಕಾ ಸಂಗೀತ್ ಪಂಗ್ಡಾಂತ್ ಆಸ್ಲ್ಲೊಂ. ಕೊರ್ಡೆಲಾಂತ್ ಆಮಿ ಸಭಾರ್ ಅಭ್ಯಾಸ್ ಕರುನ್ ಮಾಂಚಿಯೆರ್ ಅಮ್ಚಿಂ ತಾಲೆಂತಾಂ ದಾಖಯ್ತಾಲ್ಯಾಂವ್. ಸಭಾರ್ ಲಗ್ನಾ ಸಮಾರಂಭಾಂಕ್ ವಚೊನ್ ಆಮ್ಚೆಂ ಸಂಗೀತ್ ವ್ಹಾಜಯ್ತೆಲ್ಯಾಂವ್. ಆಲಿ ನಾಂವಾಚೊ ತೆನ್ನಾಂಚ್ಯಾ ಗವರ್ನ್ಮೆಂಟ್ ಕೊಲೆಜಿಚೊ ಏಕ್ ವಿದ್ಯಾರ್ಥಿ ಆಮ್ಕಾಂ ಪದಾಂ ಗಾಂವ್ಕ್ ಮೆಳ್ಲ್ಲೊ. ತಾಚಿ ಕವಾಲಿ ಮ್ಹಳ್ಯಾರ್ ಮುಸ್ಲಿಮ್ ಲಗ್ನಾಂಕ್ ಭಾರಿಚ್ ಖಾಯ್ಸ್. ತೆ ಮುಸ್ಲಿಮ್ ತಾಕಾ ನೋಟಾಂಚಿ ರಾಸ್ಚ್ಚ್ ದಿತಾಲೆ.
ಹಫ್ತ್ಯಾ ಭಿತರ್ ಹ್ಯಾ ಪತ್ರಾಚಿ ಪ್ರಕಟ್ಣಿ ಜಾತಾನಾ ಹೆಂ ಪತ್ರ್ ವಾಚ್ಪ್ಯಾಂಕ್ ಹುನೊನಿ ದಿಸ್ಲೆಂ. ಸಬಾರಾಂನಿ ಪತ್ರಾಕ್ ಜಾಪಿ ಘಾಲುನ್ ಹಿ ಕುಸಡಾಯ್ ಬಂಧ್ ಕರುನ್ ಇಗರ್ಜೆ ಭಿತರ್ ಮೊಡಿಂ ಪುರ್ಚೆಂ ಸಾಸ್ಣಾಕ್ ಬಂಧ್ ಕರುಂಕ್ ಉಲೊ ದಿಲೊ. ಮಿತ್ರ್ ಪತ್ರಾರ್ ಏಕಾ ಥರಾಚಿ ಕ್ರಾಂತಿಚ್ ಉಟ್ಲಿ. ಹ್ಯಾ ಮುಖಾಂತ್ರ್ ವೀಕ್ನೆಸ್ ನಂತೂರ್ ಮ್ಹಳ್ಳೆಂ ನಾಂವ್ ಸಬಾರಾಂಚ್ಯಾ ಜಿಬೆರ್ ಖೆಳೊಂಕ್ ಸುರು ಜಾಲೆಂ. ಮ್ಹಾಕಾ ಸೀರಿಯನ್ ಕೊಂಬ್ಯಾಪರಿಂ ಪಾಕಾಂ ಫುಟ್ಲಿಂ ಆನಿಂ ಮ್ಹಜ್ಯೆ ಲಿಖ್ಣೆಕ್ ಬಳ್ ಮೆಳ್ಳೆಂ. ಹ್ಯಾ ಉಪ್ರಾಂತ್ ಹಾಂವೆ ಸವಾಲಾಂ ವಿಚಾರ್ಚಿಂ ಬಂಧ್ ಕೆಲಿಂ ಆನಿ ಕವನಾಂ, ವಿನೋದ್ ಬರಂವ್ಕ್ ಧರ್ಲೆ.
ಎಪ್ರಿಲಾಚಿ ಏಕ್ ತಾರಿಕ್ - ಲಾಗಿಂ ಲಾಗಿಂ ಸ ವೊರಾರ್ ನೆಹರು ಮೈದಾನಾರ್ ಚಡುಣೆ ಸಾಟ್ ಹಜಾರ್ ಲೋಕಾಚೊ ಜಮೊ ಜಾಲೊ. ಹೆ ಅಂಕ್ ಫಾ| ಮಾರ್ಕ್ ವಾಲ್ಡರಾಕ್ (ತೆನ್ನಾಂಚೊ ರಾಕ್ಣೊ ಸಂಪಾದಕ್) ಸಿ.ಬಿ.ಐ. ಹಾಣಿ ದಿಲ್ಲೆ. ಮ್ಹಜೆ ಪಾಟ್ಲ್ಯಾನ್ ಸಿ.ಐ.ಡಿ. ಜಮೊ ಜಾಲೆ - ಹಾಂವ್ ಮಾತ್ರ್ ನೆಣಾಸ್ಲ್ಲೊ ಕೋಣ್ ಮೆಲ್ಲೆ ಆಸ್ಲ್ಲೆ ಮ್ಹಣ್! ಮಂಗ್ಳುರಾಂತ್ಲ್ಯಾ ಕ್ರಿಸ್ತಾಂವಾಂನಿ ಏಕ್ ವಿಶೇಷ್ ದಾಖ್ಲೊ ಸ್ಥಾಪನ್ ಕೆಲೊ; ಕಿತ್ಯಾ ಎದೊ ವ್ಹಡ್ ಕ್ರಿಸ್ತಾಂವಾಂಚೊ ಜಮೊ ಪ್ರತಿಭಟನಾಕ್ ಹಾಚ್ಯಾದಿಂ ಮಂಗ್ಳುರಾಂತ್ ಜಮೊಂಕ್ ನಾತ್ಲ್ಲೊ (ಪುಣ್ ಹೊ ದಾಖ್ಲೊ ಸಭಾರ್ ವರ್ಸಾಂ ಪರ್ಯಾಂತ್ ದಾಖ್ಲೊ ಜಾವ್ನ್ಂಚ್ ಉರ್ಲೊ. ಪುಣ್ ಆಯ್ಲೆವಾರ್ ಜಾಲ್ಲ್ಯಾ ಕ್ರಿಸ್ತಾವಾಂಚ್ಯಾ ಮೌನ್ ಪುರ್ಶಾಂವಾನ್ ಹೊ ದಾಖ್ಲೊ ಮೊಡ್ಲೊ ಮ್ಹಳ್ಳಿ ಖಬಾರ್ ಮ್ಹಾಕಾ ಚಿಕಾಗೊಂತ್ ಭಾರಿಚ್ ಸಂತೊಸ್ ಹಾಡುಂಕ್ ಪಾವ್ಲಿ.)
