ಮಾಂಡ್ ಸೊಭಾಣಾಚಿ ‘ಕಲಾಕುಲ್’ - ಕೊಂಕ್ಣಿಚಿ ಏಕ್ ಮಾತ್ ಕೊಂಕ್ಣಿ ರೆಪರ್ಟರಿ ‘ಕಲಾಕುಲೋತ್ಸವ್’ - ಕೊಂಕ್ಣಿ ನಾಟಕಾಂಚೆಂ ಫೆಸ್ತ್ ಜೂನ್ 23 ಆನಿ 24 ತಾರಿಕೆರ್ (ಸನ್ವಾರಾ ಆನಿ ಆಯ್ತಾರಾ), ಡೊನ್ ಬೊಸ್ಕೊ ಹೊಲಾಂತ್ ಆಚರಣ್ ಕರ‍್ತಾ. ಖ್ಯಾತ್ ನಟ್ ತಶೆಂಚ್ ನಿರ್ದೇಶಕ್ ಹುಲುಗಪ್ಪ ಕಟ್ಟೇಮನಿ ಹ್ಯಾ ನಾಟಕೋತ್ಸವಾಚೆಂ ಉದ್ಘಾಟನ್ ಕರ‍್ತಲೊ. ಜೂನ್ 23 ತಾರಿಕೆರ್ ಸಾಂಜೆರ್ 6.30 ವೊರಾರ್ - ‘ಎಕ್ಸುರಿ ಬಾಯ್ಲ್’ ನಾಟಕ್ ತಶೆಂಚ್, ಜೂನ್ 24 ತಾರಿಕೆರ್ ಸಾಂಜೆರ್ 5 ವೊರಾರ್ ‘ಅಸ್‌ಲ್ಲೊ ಎಕ್ಲೊ ಚಾಫ್ರಾ’ ಅನಿ 7 ವೊರಾರ್ ‘ತುಳ್ಶಿ’ ನಾಟಕ್ ಸಾದರ್ ಜಾತಲೆ. ಹೆ ನಾಟಕ್ ಶ್ರೀ ಅರುಣ್ ರಾಜ್ ರೊಡ್ರಿಗಸ್ ಹಾಣೆಂ ಬರವ್ನ್ ಕ್ರಿಸ್ಟೋಫರ್ ಡಿಸೋಜ ನೀನಾಸಮ್ ಹಾಣೆ ನಿರ್ದೇಶನ್ ಕೆಲ್ಯಾತ್.

ಕಲಾಕುಲ್

ಕೊಂಕ್ಣಿ ನಾಟಕಾಂ ಪಾಸುನ್ ಕೊಂಕ್ಣೆಚೆಂ ಪ್ರಮುಕ್ ಸಾಂಸ್ಕೃತಿಕ್ ಸಂಘಟನ್ ಹಾಂಚ್ಯಾ ಮಾಂತಾಖಾಲ್ ಆಸ್ಚಿ ಏಕ್ ಮಾತ್ ರೆಪರ್ಟರಿ. ಹ್ಯಾಚ್ ಜೂನ್ 30 ತಾರಿಕೆರ್ ಸಂಪ್ಚ್ಯಾ ಕಲಾಕುಲಾಚ್ಯಾ ಪಯ್ಲ್ಯಾ ಆವ್ಧೆಂತ್ 8 ಚಲೆ ಆನಿ 2 ಚಲಿಯಾಂನಿ ಎದೊಳ್‌ಚ್ ತರ್ಭೆತಿ ಜೊಡ್ಲ್ಯಾ ಆಸುನ್, ಹ್ಯಾ ಪಯ್ಲ್ಯಾ ಪಂಗ್ಡಾ ಥಾವ್ನ್  ಚಾರ್ ನಾಟಕ್ ಆನಿ ತೀನ್ ನಾಟ್ಕುಳೆ ಹ್ಯಾ ಎಕಾ ವರ್ಸಾಚ್ಯಾ ಅವ್ಧೆಂತ್ ಉಭೆ ಜಾಲ್ಯಾತ್ ಆನಿ ಎಕುಣ್ ವೀಸ್ ಸಾದರ್‌ಪಣಾಂ ಜಾಲ್ಯಾಂತ್.

ಕೊಂಕ್ಣಿ ನಾಟಕಾಂಚೊ ದರ್ಜೊ ಚಡಂವ್ಚ್ಯಾ  ಮಾಂಡ್ ಸೊಭಾಣಾಚ್ಯಾ  ಹ್ಯಾ ಯೆವ್ಜಣೆಕ್  ಹೆರ್ ಸಂಪನ್ಮೂಳಾಂ ನಾಂತ್ ದೆಕುನ್  ಉಪ್ಕಾರಿ ಮನಾಚ್ಯಾ ಮನ್ಶ್ಯಾಂನಿ ರುಪಯ್ ದೋನ್ ಹಜಾರ್ ದೀವ್ನ್ ಕಲಾಕುಲೋತ್ಸವಾಚೊ ಪೋಶಕ್ ಜಾಯ್ಜೆ ಮ್ಹಣ್ ಸಂಗಟಕಾಂನಿ ಉಲೊ ದಿಲಾ.

ಚಡಿತ್ ವಿವರಾ ಖಾತೀರ್ ಸಂಪರ್ಕ್ :  0824 - 2230489 / 2232239  ವೀಜ್ ಪಾತ್ತೊ : mandd_sobhann@yahoo.com

ಕಲಾಕುಲೋತ್ಸವ್ ನಾಟಕಾಚಿಂ ಥೊಡಿಂ ದೃಶ್ಯಾಂ :

ಎಕ್ಸುರಿ ಬಾಯ್ಲ್

ಆಸ್‌ಲ್ಲೊ ಎಕ್ಲೊ ಚಾ.ಫ್ರಾ.

ತುಳ್ಶಿ

Write your Comments on this Article
Your Name
Place
Your E-mail
Your Comment	You have characters left.
Security Validation
Enter the characters in the image above

Disclaimer: Kindly do not post any abusive, defamatory, infringing, obscene, indecent, discriminatory or unlawful material or SPAM. kittall.com reserves the right to block/ remove without notice any content received from users.