ಕಾಣಿ
ಕವಿತಾ
ಸಕಾಳಿಕ್
ಸಂದರ್ಶನ್
- ನಾಯ್ಟಾಂತ್ ಗಾವ್ಪ್ಯಾಂಚೆಂ ಪ್ರಸಂಟೇಶನ್ ಮಹತ್ವಾಚೆಂ ಸ್ಟ್ಯಾನಿ ಮೆಂಡೋನ್ಸಾ
- ಭುರ್ಗ್ಯಾಂಚೆಂ ಸಾಹಿತ್ಯ್ ರಚ್ಚ್ಯಾಂತ್ ತೃಪ್ತಿ ಆಸಾ - ಜೆ.ಎಫ್.ಡಿಸೋಜಾ
- ರಾಜಕೀಯ್ ಮನ್ಶ್ಯಾಂಕ್ ಲೊಕಾಚೊ ಹುಸ್ಕೊ ನಾ - ಶಿವಸುಂದರ್
- ಹಾಂವ್ ಏಕ್ ಕಾಣಿಯಾಂಗಾರ್ - ವಲ್ಲಿ ವಗ್ಗ
- ಪುರೋಹಿತ್ಶಾಹಿ - ಆಮ್ಕಾಂ ಬಾಂದುನ್ ಘಾಲ್ಚಿ ಸಾಂಕಳ್ - ಡೊ | ನಾ. ಡಿ ಸೊಜಾ
- ಹಾಂವ್ ತೃತೀಯ ಶಕ್ತಿ - ಚಿನ್ನಾ ಕಾಸರಗೋಡು
ವಿಶೇಸ್
ಎಚ್ಚೆಮ್ ವಿಚಾರ್
ಅಂಕಣಾಂ
ಪತ್ರ್ಕಾರ್ ಸ್ಟೀವನ್ ರೇಗೊಕ್ ಸನ್ಮಾನ್
- Kittall Media Networkತರುಣ್ ಪತ್ರ್ಕಾರ್ ಸ್ಟೀವನ್ ರೇಗೊ, ದಾರಂದಕುಕ್ಕು ಹಾಕಾ ತಾಣೆ ಕನ್ನಡ ಪತ್ರಿಕೋದ್ಯಮಾಕ್ ದೀವ್ನ್ ಆಸ್ಚಿ ಸೆವಾ ಮಾನುನ್ ಘೆವ್ನ್ , ಆಯ್ತಾರಾ , ಜುಲಾಯ್ ಏಕ್ ತಾರಿಕೆರ್ ಸಂದೇಶ್ ಸಭಾಸಾಲಾಂಕ್ , ಸಂದೇಶ ಪ್ರತಿಷ್ಠಾನ್, ರಾಕ್ಣೊ ಕೊಂಕ್ಣಿ ಹಫ್ತ್ಯಾಳೆಂ ಆನಿ ಪಿಂಗಾರ ಕನ್ನಡ ಹಪ್ತ್ಯಾಳೆಂ ಹಾಂಚ್ಯಾ ಜೋಡ್ ಆಸ್ರ್ಯಾಖಾಲ್ ಮಾಂಡುನ್ ಹಾಡ್ಲ್ಲ್ಯಾ ಪತ್ರಿಕಾ ದಿನಾಚರಣೆ ಹ್ಯಾ ಕಾರ್ಯಾಂತ್ ಸನ್ಮಾನ್ ಕೆಲೊ.
ಹ್ಯಾಚ್ ಕಾರ್ಯಾಂತ್ ಬೆಳ್ತಂಗಡಿಚೊ ಲಕ್ಷ್ಮೀ ಮಚ್ಚಿನ ಆನಿ ಮಂಗ್ಳುರ್ಚ್ಯಾ ಶಹನಾಜ್ ಎಮ್ ಹಾಂಕಾಯೀ ಸನ್ಮಾನ್ ಕೆಲೊ.
ಹ್ಯಾ ಸಂದರ್ಬಾರ್ ವೆದಿರ್ ಸಂದೇಶ ದಿರೆಕ್ತೊರ್ ಬಾ| ವಿಜಯ್ ವಿಕ್ಟರ್ ಲೋಬೊ, ರಾಕ್ಣೊ ಸಂಪಾದಕ್ ಬಾ| ಫ್ರಾನ್ಸಿಸ್ ರೊಡ್ರಿಗಸ್ , ಪಿಂಗಾರ ಸಂಪಾದಕ್ ರೇಮಂಡ್ ಡಿ ಕುನ್ಹಾ , ದಕ್ಷಿಣ ಕನ್ನಡ ಕಾರ್ಯನಿರತ ಪತ್ರಕರ್ತರ ಸಂಘ ಹಾಚೊ ಅಧ್ಯಕ್ಷ್ ಮಾನೆಸ್ತ್ ಪಿ ಬಿ ಹರೀಶ್ ರೈ, ಫಾತಿಮಾ ರೆತಿರ್ ಮಂದಿರಾಚೊ ನಿರ್ದೇಶಕ್ ಬಾ| ಎವ್ಜಿನ್ ಲೋಬೊ ಆನಿ ಕೊಂಕ್ಣಿ ಪ್ರಚಾರ್ ಸಂಚಾಲನ್ ಹಾಚೊ ಅಧ್ಯಕ್ಷ್ ರೋಯ್ ಕಾಸ್ತೆಲಿನೋ ಹಾಜರ್ ಆಸ್ಲೆ.
ಸ್ಟೀವನ್ ರೇಗೊ, ಟಾಯ್ಮ್ಸ್ ಗ್ರೂಪ್ ಹಾಂಚ್ಯಾ ಮಂಗ್ಳುರ್ ಆವೃತ್ತೆಚ್ಯಾ ವಿಜಯ ಕರ್ನಾಟಕ ದಿಸಾಳಾಂತ್ ವರ್ದೆಗಾರ್ ಆನಿ ಸಹ ಸಂಪಾದಕ್ ಜಾವ್ನ್ ವಾವುರ್ತಾ. ತೋ ದಾರಂದಕುಕ್ಕುಚ್ಯಾ ಶ್ರೀ ಇಗ್ನೇಶಿಯಶ್ ರೇಗೊ ಆನಿ ಶ್ರೀಮತಿ ಹಿಲ್ಡಾ ರೇಗೊ ಹಾಂಚೊ ಪೂತ್.
ಪೊರ್ಬಿಂ ತುಕಾ ಮಾನೇಸ್ತ್ ಸ್ಟೀವನ್ ರೇಗೊ ಹ್ಯಾ ಸನ್ಮಾನ್ ಸಮಾರಂಭಾಕ್. ದೇವ್ ತುಕಾ ಅಖಂಡ್ ಭಲಾಯ್ಕಿ ದೀವ್ನ್ ಪತ್ರ್ಗಾರಿಕೆಚೆಂ ಕಾಮ್ ಮುಖಾರುನ್ ವ್ಹರುಂಕ್ ತ್ರಾಣ್, ಸಕತ್, ಶಾಂತಿ, ಬರಿ ಭಲಾಯ್ಕಿ ಆನಿ ಸಮಾಧಾನ್ ದೀಂವ್. ತರ್ನ್ಯಾಂನಿ ಶಿಖರಾಂ ಚಡ್ಚೆಂ ಪಳೆಂವ್ಕ್ ಮ್ಹಾಕಾ ಭಾರಿಚ್ ಖುಶ್ ಜಾತಾ. ಹಾಂವ್ ತುಕಾ ಸರ್ವ್ ಬರೆಂ ಮಾಗ್ತಾಂ ಆನಿ ಯಶ್ ಆಶೇತಾಂ. ಈಶ್ವರಾಚಿಂ ಆಶೀರ್ವಾದಾಂ ತುಕಾ!