Kittall Media Network

Kittall Media Network

KITTALL is a unique Konkani literary website. It is the dream project of well-known Konkani writer and critic Henry Mendonca popularly known as H M Pernal. Kittall carries short stories , poems , essays , novel series, columns by reknowned writers, interview with writers and artists , videos, review on new books , music and art . It also publishes Special reports of Konkani events and news related to konkani literature , art and music. KITTALL was inaugurated on 5th February 2011 by celebrated Konkani poet , President , Kavita Trust and Director (operations) of Daijiworld Media Private Limited, Mr. Melvyn Rodrigues.

Recent Archives

ಮುಂಬಯಂತ 'ವಿಶ್ವ ಕೊಂಕಣಿ ಲೋಕ ಕಲಾ ಉತ್ಸವ'

Kittall Media Network        2017-04-03 17:51:47
  |     |  



 

ಕೊಂಕಣಿ ಭಾಸ ಆನಿ ಸಂಸ್ಕೃತಿ ಪ್ರತಿಷ್ಠಾನ, ವಿಶ್ವ ಕೊಂಕಣಿ ಕೇಂದ್ರ, ಕನ್ನಡ ಮತ್ತು ಸಂಸ್ಕೃತಿ ಇಲಾಖೆ, ಕರ್ನಾಟಕ ಸರಕಾರ, ಬೆಂಗಳೂರು, ಸಹಯೋಗಾನ ಮುಂಬಯಂತ ದಿ. 18-03-2017 ಆನಿ 19-03-2017 ತಾರ್ಕೆರ ಆಯೋಜನ ಕೆಲೆಲೆ ದೋನ ದಿಸಾಚೆ 'ವಿಶ್ವ ಕೊಂಕಣಿ ಲೋಕ ಕಲಾ ಉತ್ಸವ' 'ಶಿಗ್ಮೋತ್ಸವ' ಏಕನಾಥ ಠಾಕೂರ ರಂಗಮಂಟಪಂತ ಮುಂಬಯಿ ಮಾಹಿಮ್ ಸರಸ್ವತಿ ವಿದ್ಯಾಮಂದಿರಾಂತ ಭಾರೀ ಸಂಭ್ರಮಾನ ಚಲ್ಲೆಂ. ನಾಗಾಲ್ಯಾಂಡ ಗೌರವಾನ್ವಿತ ರಾಜ್ಯಪಾಲ ಶ್ರೀ ಪಿ. ಬಿ. ಆಚಾರ್ಯ ಉದ್ಘಾಟನ ಕರನ ಮಾತೃಭಾಷಾ ಕೊಂಕಣಿ ವ್ಯಕ್ತಿತ್ವ ವಿಕಾಸನಾಕ ಮೂಲ ಜಾವನ ಆಸುನ ಭವಿಷ್ಯ ರೂಪಿಸುಚೆ ಶಕ್ತಿ ಜಾಲಾಂ. ವಿಶ್ವ ಕೊಂಕಣಿ ಕೇಂದ್ರನ ಆಯೋಜನ ಕೆಲೆಲೆ ವಿವಿಧತೆಂತ ಏಕತಾ ಪಯಯಲೆ ಕೊಂಕಣಿಂಗೆಲೆ ಅಭೂತಪೂರ್ವ ಸಾಧನಾ ಶ್ಲಾಘನೀಯ. ಭಾರತ ದೇಶಾಚೊ ಅಭಿವೃದ್ದೀಕ ಕೊಂಕಣಿಂಗೆಲೆ ಪಾತ್ರ ಮಹತ್ತರ ಜಾವನ ಆಸಾ. ಹೆಂ 'ಶಿಗ್ಮೋತ್ಸವ' ಸರ್ವಾಂಕಯ ಉತ್ಸಾಹ ಆನಿ ಸಂಭ್ರಮ ದಿವೊ ಅಶಿಂ ಶುಭ ಭೆಟವನು ಮಾನಾಧಿಕ ರಾಜ್ಯಪಾಲ ಶ್ರೀ ಪಿ. ಬಿ. ಆಚಾರ್ಯ ಹಾನ್ನಿ ಸಭೆಕ ಉದ್ದೇಶಿಸುನ ಉಲಯಿಲಿಂತಿ.

 

 

 

 

ಕಾರ್ಯಕ್ರಮಚೆ ಪ್ರಾರಂಭಾಕ ದಿ. ವಿಜಯನಾಥ ಶೆಣೈ, ಮಣಿಪಾಲ ಹಾಂಕಾ ಶೃದ್ಧಾಂಜಲಿ ಸಮರ್ಪಣ ಕೆಲೆಂ.

 

ವಿಶ್ವ ಕೊಂಕಣಿ ಕೇಂದ್ರ ಸ್ಥಾಪಕ ಅಧ್ಯಕ್ಷ ಶ್ರೀ ಬಸ್ತಿ ವಾಮನ ಶೆಣೈ ಅಧ್ಯಕ್ಷಪಣ ಘೆತಲೆಂ ಆನಿ ತಾನ್ನಿ ಪ್ರಾಸ್ತಾವಿಕ ಉತ್ರಂ ಉಲಯಿಲಿಂಚಿ. ಸಾರಸ್ವತ ಬ್ಯಾಂಕ ನಿರ್ದೇಶಕ ಕಿಶೋರ ರಂಗ್ನೇಕರ್ ಉಲೊವನು ಬಾಷೆಕ ಪ್ರಾದೇಶಿಕ ವಿಚಾರ ಆಸಾ ಜಾಲ್ಯಾರಿ ಮಾಂಯಭಾಸ ಕೆದನಾಕಯ ಮಾಂಯಭಾಸ ಜಾವನ ಆಸತಾ. ಕೊಂಕಣಿ ವ್ಯಕ್ತಿ ಆನಿ ಕೊಂಕಣಿ ಸಂಘ ಸಂಸ್ಥೆ ಒಟ್ಟು ಜಾವನ ಮುಖಾರ ಯೆವನು ಆಕಾಶಾ ಊಂಚಾಯೇರಿ ಪಾವೊ ಮ್ಹೊಣು ಶುಭ ಸಾಂಗಲೆಂ.

 

ಭವಿಷ್ಯಾಚೆ ಮುಖಾವಯಲೆ ಪೀಳಿಗೆಕ ಮಾಂಯಭಾಸ ಜ್ಞಾನ ದಿವಚಾಕ ಅಸಲೆ ಜಾನಪದ ಕಲಾ ಉತ್ಸವ ಪೂರಕ ಜಾವನ ಆಸಾ. ಸಮಸ್ತ ಕೊಂಕಣಿಗ ಬುದ್ಧಿವಂತ, ಗೌರವಾನ್ವಿತ ಮ್ಹಣಚೆ ತಿತಲೆ ಆಮಗೆಲೆ ಭಾಸ ಗೌರವ ಹಾಳ್ಳಾ. ನಿರುದ್ಯೋಗ ಮ್ಹಣಚೆ ಆಮಗೆಲೆ ದೇಶಾಂತ ಅಸನಾಶಿ, ಆಮಗೆಲೆ ಬಾಯಲಮನಶಾಂನಿ ಘರಾ ಕಾಮಾಕ ಮಾತ್ರ ಆಸಾನಾಶಿ ಸಮಾನತೆ ಬದ್ದಲ ಯೋಚನ ಕರಕಾ ಆನಿ ಹರ ಏಕ ಕಾರ್ಯಾಂತ ಮುಖಾರ ಯೆವಕಾ. ಅಶಿಂ ಶ್ರೀ ಉಲ್ಲಾಸ್ ಕಾಮತ್ ಹಾನ್ನಿ ಸಾಂಗಲೆಂ.

 

ಎನ್. ಕೆ. ಜಿ.ಎಸ್. ಬಿ. ಬ್ಯಾಂಕ ಚೆಯರ್‌ಮೆನ ಶ್ರೀ ಕಿಶೋರ ಕುಲಕರ್ಣಿ ಉಲೊವನು ಕೊಂಕಣಿ ರಾಷ್ಟ್ರ ಭಾಸ ಜಾವನ ಮಾನ್ಯತೆ ಘೆವಚೆ ಅಭಿನಂದನಾರ್ಹ, ಬ್ಯಾಂಕಿಗ್ ಕ್ಷೇತ್ರಂತ ಕೊಂಕಣಿಂಗೆಲೆ ಕೊಡುಗೆ ಮಹಾನ, ಅಸಲೆ ಏಕ ಅಮೂಲ್ಯ ಜಾಲೆಲೆ ಭಾಸ ವರೊವಚೆ ಆಮಗೆಲೆ ಸರ್ವಾಂಗೆಲೊ ಕರ್ತವ್ಯ ಜಾವನ ಆಸಾ ಅಶಿಂ ಸಾಂಗಲೆಂ. ಹೇಂಚಿ ಸಂದರ್ಬಾರ ವಿಶ್ವ ಕೊಂಕಣಿ ಕೇಂದ್ರ ಪ್ರಕಟಣ ಕೆಲೆಲೆ ಉಪನಿಷತ್ ಗ್ರಂಥ ಲೋಕಾರ್ಪಣೆ ಕೆಲೆಂ.

 

ಮುಖೇಲ ಸೊಯರೆ ಜಾವನ ಆಯಿಲಿ ಮುಂಬಯಿ ರಾಯನ್ ಅಂತರಾಷ್ಟ್ರೀಯ ಶಿಕ್ಷಣ ಸಮೂಹಚೆ ಪ್ರವರ್ತಕಿ ಮೇಡಂ ಗ್ರೇಸ್ ಪಿಂಟೊ, ಮಾನಾಚೆ ಸೊಯರೆ ಕವಿತಾ ಪಿ. ಆಚಾರ್ಯ, ಎನ್. ಕೆ. ಜಿ. ಎಸ್. ಬಿ. ಬ್ಯಾಂಕಚೆ ಕಾರ್ಯಾಧ್ಯಕ್ಷ ಕಿಶೋರ ಕುಲಕರ್ಣಿ, ಸಾರಸ್ವತ್ ಕೋ. ಆಪರೇಟಿವ್ ಬ್ಯಾಂಕ ಆಡಳಿತ ನಿರ್ದೇಶಕ ಕಿಶೋರ ರಂಗ್ನೇಕರ್, ಮುಂಬಯಿ ಜ್ಯೋತಿ ಲ್ಯಾಬೊರೆಟರೀಸ್ ಸಂಸ್ಥೆಚೆ ಜಂಟಿ ಆಡಳಿತ ನಿರ್ದೇಶಕ ಶ್ರೀ ಉಲ್ಲಾಸ ಕಾಮತ್ ವಿಶ್ವ ಕೊಂಕಣಿ ಉಪಾಧ್ಯಕ್ಷ ಶ್ರೀ ವೆಂಕಟೇಶ ಎನ್. ಬಾಳಿಗಾ, ಉಪಸ್ಥಿತ ಆಶಿಲಿಂಚಿ. ಕಾರ್ಯಕ್ರಮ ಸಂಚಾಲಕ ಡಾ. ಸಿ. ಎನ್. ಶೆಣೈ ನ ಸ್ವಾಗತ ಕೆಲೆಂ. ಕಾರ್ಯದರ್ಶಿ ಶ್ರೀ ಬಿ. ಪ್ರಬಾಕರ ಪ್ರಭು, ಶ್ರೀ ಕಮಲಾಕ್ಷ ಸರಾಫ್ ಹಾಜರ ಆಶಿಲಿಂತಿ ಶ್ರೀಮತಿ ಸುಧಾ ಪೈನ ಸೊಯರೆಂಕ ಫೂಲ ಆನಿ ಸ್ಮರಣಿಕಾ ದೀವನ ಗೌರವ ದಿಲೆಂ. ಸುಮಾರ ಕೊಂಕಣಿ ಕಲಾಸಕ್ತ ಉಪಸ್ಥಿತ ಆಶಿಲಿಂಚಿ. ಜಿ. ಎಸ್. ಬಿ ಸಭಾ ಟ್ರಸ್ಟಿ ಸುಧಾ ಪೈ ಆನಿ ಪಂಗಡಾ ಥಾವನ ಶ್ರೀಮತಿ ಕವಿತಾ ಆಚಾರ್ಯ ಹಾಂಕಾ ವ್ಹಂಟಿ ಭರನ ಪಾರಂಪರಿಕ ಜಾವನ ಗೌರವ ದಿಲೆಂ. ಉದಯ್ ಮಲ್ಯನ ಕಾರ್ಯಕ್ರಮ ನಿರೂಪಣ ಕೆಲೆಂ. ಸಭಾ ಕಾರ್ಯಾವಳಾ ನಂತರ ಮಂಗಳೂರಚೆ ಮಾಲತಿ ಯು, ಕಾಮತ್ ಪಂಗಡಾ ಥಾವನ ಲಗ್ನ ವೇಳಾರ ಸಾಂಗಚೆ ಕೊಂಕಣಿ ವೊವ್ಯೊ, ಹುಮ್ಮಣ್ಯೊ, ಉಡಿದಾ ಮುಹೂರ್ತ ಕಾರ್ಯಾವಳ ಚಲ್ಲೆಂ. ತಶೀಂಚಿ ಉಪ್ಪಿನ ಕುದುರು ಶ್ರೀ ಭಾಸ್ಕರ ಕೊಗ್ಗ ಕಾಮತ್ ಪಂಗಡಾ ಥಾವನ ಪಾರಂಪರಿಕ ಬೊಂಬೆಯಾಟ (ಠಿuಠಿಠಿeಣ shoತಿ) ಪ್ರದರ್ಶನ ಯ ಚಲಲೆಂ.


ಸಮಾರೋಪ ಸಮಾರಂಭ ►

 

'ವಿಶ್ವ ಕೊಂಕಣಿ ಲೋಕ ಕಲಾ ಉತ್ಸವ' 'ಶಿಗ್ಮೋತ್ಸವ' ದೊನ್ನೀ ದಿಸಾಚೆ ಕಾರ್ಯಕ್ರಮಾಂತ ಸುರವೇಕ ಉಡುಪಿ ಶ್ರೀ ನರಸಿಂಹ ನಾಯಕ ಪಂಗಡಾ ಥಾವನ ಕುಡುಬಿ ಶಿಗ್ಮೊ ನೃತ್ಯ ಕಾರ್ಯಕ್ರಮ ಪ್ರದರ್ಶನ ಚಲ್ಲೆಂ. ನಂತರ ಕೇಂದ್ರ ಸಾಹಿತ್ಯ ಅಕಾಡೆಮಿ ಸಹಯೋಗಾನ 'ವಿಶ್ವ ಕೊಂಕಣಿ ಕವಿ ಗೋಷ್ಠಿ' ಕಾರ್ಯಕ್ರಮ ಕವಿ ವಲ್ಲಿ ಕ್ವಾಡ್ರಸ್ ನೇತೃತ್ವಾರಿ ಚಲ್ಲೆಂ. ಕೇಂದ್ರ ಸಾಹಿತ್ಯ ಅಕಾಡೆಮಿ ಆನಿ ಇತರ ಸಂಘ ಸಂಸ್ಥೆ ದಾಕುನ ಸನ್ಮಾನಿತ ನಾಮನೆಚೆ ಕೊಂಕಣಿ ಕವಿ ಶ್ರೀಮತಿ ಶಕುಂತಲಾ ಆರ್ ಕಿಣಿ, ವಲೇರಿಯನ್ ಕ್ವಾಡ್ರಸ್, ವಸುಧಾ ಪ್ರಭು, ಫಿಲೋಮಿನಾ ಸಾಮ್‌ಫ್ರಾನ್ಸಿಸ್ಕೊ, ನೇರಿ ನಜ್ರೆತ, ಡಾ. ಪವನ ಕೊಡಿಯಾಳ್, ಪದ್ಮಜಾ ಕುಂದಾಜೆ, ಮುರಳೀಧರ ಬೆಟ್ರೆಂಬೆಟ್, ಹಿಲೆರಿ ಡಿಸೋಜಾ ಹಾನ್ನಿ ಕೊಂಕಣಿ ಕವಿತಾ ಪ್ರಸ್ತುತ ಕೆಲೆಂ

 

 

 

ಕುಮಟಾ ಶ್ರೀಮತಿ ವಿಜೇತಾ ಭಂಢಾರಿ ಪಂಗಡಾ ಥಾವನ ಕೊಂಕಣಿ ಸಂಸ್ಕೃತಿ ಬಿಂಬಿಸುಚೆ ಸಾಂಸ್ಕ್ರತಿಕ ಕಾರ್ಯಕ್ರಮ ರಂಗ ರಂಗಾಳ ವೇಷ ಭೂಷಣ, ಕಂಠಾಭರಣ ಸಮೇತ ಕೊಂಕಣಿ ಲೋಕ ನೃತ್ಯರೂಪಕ ಶ್ರೀ ಕೃಷ್ಣ ಜನ್ಮ ಕಥಾ ಪ್ರದರ್ಶನ ಕೆಲೆಂ, ಶ್ರೀಮತಿ ಜೂಲಿಯಾನ ಪೇದ್ರು ಫೆರ್ನಾಂಡಿಸ್ ಹಳಿಯಾಳ ಪಂಗಡಾ ಥಾವನ ಸಿದ್ಧಿ ದಮಾಮ್ ನೃತ್ಯ, ಆನಿ ಮಂಗಳೂರು ಶ್ರೀ ಚಾರ್ಲ್ಸ ಡಿಸೋಜಾ ಪಂಗಡಾ ಥಾವನ ಕ್ರಿಶ್ಚಿಯನ್ ಗುಮ್ಟಾ ಪದಾಂ, ಶ್ರೀ ಎಡ್ವರ್ಡ್ ಸಿಕ್ವೇರಾ ಪಂಗಡಾ ಥಾವನ 'ವರ್ಸಾಕ್ ಏಕ ಪಾವಟಿ' ಕೊಂಕಣಿ ಹಾಸ್ಯ ನಾಟಕ ಪ್ರದರ್ಶನ, ಆನಿ ಕಾರವಾರದ ಕೊಂಕಣಿ ಕಲಾವಂತ ಸಮಾಜದ ಪಂಗಡಾ ಥಾವನ ದೀಪಮಾಲಾ ನೃತ್ಯ ಆನಿ ಕೊಂಕಣಿ ಖಾರ್ವಿ ಕಲಾ ಮಂಡಳ ಭಟ್ಕಳ ಪಂಗಡಾ ಥಾವನ ಗುಮ್ಟಾ ನೃತ್ಯ ಆನಿ ತೋಣಿಯಾ ಖೇಳು ಇತ್ಯಾದಿ ವಿವಿಧ ಭವ್ಯ ಆಕರ್ಷಕ ಪ್ರದರ್ಶನ ಚಲ್ಲೆಂ. ಕರ್ನಾಟಕ ಉತ್ತರ ಕನ್ನಡ, ಉಡುಪಿ, ದಕ್ಷಿಣ ಕನ್ನಡ ಜಿಲ್ಲಾ ದಾಕುನ ೧೦೦ ಜಾನಪದ ಕಲಾವಿದಾಂಗೆಲೊ ತಂಡ ಮುಂಬಯಿ ಶಿಗ್ಮೋತ್ಸವಂತ ಭಾಗಿ ಜಾಔನ ಭವ್ಯ ಪ್ರದರ್ಶನ ದಿಲೊಂ. ಶ್ರೀ ವಸಂತ ಬಾಂದೇಕರನ ಮಿಮಿಕ್ರಿ ಕರನ ದಾಕೊವನ ಭರಲಲೆ ಕೊಂಕಣಿ ಸಭಿಕಾಂಕ ಮನೋರಂಜನ ದಿಲೆಂ.

 

ತಶೀಂ ಮುಂಬಯಿಂತ ಮಸ್ತ ವರ್ಷ ನಾಟಕ ರಂಗ ಪ್ರದರ್ಶನ ದೀವನ ನಾಟಕ ಕಲಾ ಜೀವಂತ ಜಾವನ ಆಸುಚೆ ತಶಿ ಕೆಲೆಲೆ ದೋಗ ಮ್ಹಾಲ್ಗಡೆ ನಾಟಕ ಕಲಾ ನಿರ್ದೇಶಕ ಶ್ರೀ ಎ. ಜಿ. ಕಾಮತ್ ಆನಿ ಶ್ರೀ ಫ್ರಾನ್ಸಿಸ್ ಫೆರ್ನಾಂಡಿಸ್ ಕಾಸ್ಸಿಯಾ ಹಾಂಕಾ ಸನ್ಮಾನ ಕಾರ್ಯಕ್ರಮಯ ಚಲ್ಲೆಂ.

 

ಸಮಾರೋಪ ಸಮಾರಂಭಚೆ ಮುಖೇಲ ಸೊಯ್ರೆ ಜಾವನ ಮುಂಬಯಿ ನಾಮನೆಚೆ ಪ್ರಿಂಟಾನಿಯಾ ಆಫ್‌ಸೆಟ್ಸ್ ಪ್ರೈ. ಲಿಮಿಟೆಡ್ ಅಧ್ಯಕ್ಷ ಶ್ರೀ ಅಲ್ಬರ್ಟ್ ಡಿಸೋಜಾನ ಅಧ್ಯಕ್ಷೀಯ ಭಾಷಣ ದಿಲೆಂ. ಮೆ| ಎಂಟೋಡ್ ಪಾರ್ಮಸಿಟಿಕಲ್ಸ್ ಗ್ರೂಪ್ ಮುಂಬಯಿ ಆಡಳಿತ ನಿರ್ದೇಶಕ ಶ್ರೀ ಕಿಶೋರ ಜಿ. ಮಾಸೂರಕರ, ಕೆ. ಶ್ರೀನಿವಾಸ ಪ್ರಭು, ಗೋಕರ್ಣ ಪರ್ತಗಾಳಿ ಜೀವೋತ್ತಮ ಮಠ, ವಡಾಲಾ ಮುಂಬಯಿ ಉಪ ಕಾರ್ಯಾಧ್ಯಕ್ಷ ಆನಿ ಜಿ. ಎಸ್. ಬಿ. ಸೇವಾ ಸಾರ್ವಜನಿಕ ಗಣೇಶೋತ್ಸವ ಸಮಿತಿ ಕಾರ್ಯಾಧ್ಯಕ್ಷ ಶ್ರೀ ಎನ್. ಎನ್. ಪಾಲ್ ಅಸಲೆ ಗಣ್ಯ ಆನಿ ವಿಶ್ವ ಕೊಂಕಣಿ ವಿದ್ಯಾರ್ಥಿ ವೇತನ ನಿಧಿ ಕಾರ್ಯದರ್ಶಿ ಶ್ರೀ ಪ್ರದೀಪ ಜಿ. ಪೈ. ವಿಶ್ವ ಕೊಂಕಣಿ ಸ್ಥಾಪಕ ಅಧ್ಯಕ್ಷ ಶ್ರೀ ಬಸ್ತಿ ವಾಮನ ಶೆಣೈ, ವಿಶ್ವ ಕೊಂಕಣಿ ಕೇಂದ್ರ ಉಪಾಧ್ಯಕ್ಷ ಶ್ರೀ ವೆಂಕಟೇಶ ಎನ್. ಬಾಳಿಗಾ, ಕಾರ್ಯದರ್ಶಿ ಶ್ರೀ ಬಿ. ಪ್ರಬಾಕರ ಪ್ರಭು ಹಾಜರ ಆಶಿಲಿಂಚಿ. ಮುಂಬಯಿ ಕಲಾ ಕೋಸ್ಟ್ ತಂಡ ಸುಧೀರ ನಾಯಕ್ ತಂಡಾ ದಾಕುನ ಕೊಂಕಣಿ ಗೌರವ ಗೀತ ಸಂಗೀತ ಕಾರ್ಯಕ್ರಮ ಸಾಂಗುನ ಕಾರ್ಯಕ್ರಮ ಪ್ರಾರಂಭ ಕೆಲೊಂ. ಜಿ. ಎಸ್. ಬಿ ಸಭಾ ಟ್ರಸ್ಟಿ ಸುಧಾ ಪೈ, ಕಾರ್ಯಕ್ರಮ ಸಂಚಾಲಕ ಡಾ. ಸಿ. ಎನ್. ಶೆಣೈನ ಸ್ವಾಗತ ಕೆಲೆಂ, ಶ್ರೀಮತಿ ಶಕುಂತಳಾ ಆರ್. ಕಿಣಿ ಆನಿ ರವಿ ನಾಯಕ್ ಕಾರ್ಯಕ್ರಮ ನಿರೂಪಣ ಕೆಲೆಂ. ಶ್ರೀ ಕಮಲಾಕ್ಷ ಜೆ. ಸರಾಫ್ ಹಾನ್ನಿ ದೇವು ಬರೆಂ ಕೊರೊ ಸಾಂಗಲೆಂ.